En Michif neekawnayihtamoowina peeshkihtashtaywin

Kenadaw chi-atoushkayw ishi peekishkwawtamoowin pi mamawinitowin avek En Michif shawpou neepawistamakaywa kaw-nawashounikawtayk ishi tipaymouwin avek sa tipayistamowawn nakishkamawkaywina pi tipayimishounaniwawn wayashtaywina pi chi-natawayistakwan ishi mamawinitouwin avek li provayns pi li tayritori lee gouvarnimaw mitouni chi-kashkihouchik anavawn kaw-pimitishahikawtayk neekawnayihtamoowina chi-awpatayistakwahk kinwaysh-ikouhk pi boon balawnsee sartaen itouchikaymakaniyawa.

Ooma En Michif peeshkihtashtaywin ouschi ooma Indigene La zhuschis Paminikaywin si aykwawnima ihkatayistakwan ahkamay sipikayihtakwahk, pakitinawm poor tipayimouwina ahtishihtawin pi shayki mowatakwashtaywa ashpaymouwin ouschi nishtawinikawtayw natawaystamouwina.

Neekawnihk kishtayischikawtaywina

Ahkamay avek la veu kee-weestamwak didawn ooma Indigene La zhuschis Paminikaywin, ooma Indigene La zhuschis Paminikaywin pi En Michif neekawnayihtamoowina peeshkihtashtaywin ihkatayistwaniwawn katakoowawn. See veu, kishtayischikawtaywina, pi neekawnayihtamoowin itahkamikishouwina ihkatayistwaniwawn aniskoschikaywina pi mawachistawina didawn payyek namou chikee ayamistahk chi-payiwista ouschi kootak.

Kaw-pimitishahikawtayk neekawnihk kishtayischikawtaywina aykwawnima la lounet shawpou kiko ooma Indigene La zhuschis Paminikaywin pi neekawnayihtamoowin itahkamikishouwina didawn ooma peeshkihtashtaywin chikee awnturpretee pi pimoustatawniwan ouschi En Michif ispray sa veu.

En Michif wiya-ikou ashpayimouwin, lee drway pi weechi wawhkoostouwin:

Indigene La zhuschis Paminikaywin nishtawinamouwin pi rispay En Michif lee drway ishi wiya-ikou ashpayimouwin pi wiya-ikouhk tipaymishouwin. Soutoo aykwawnima, ooma Indigene La zhuschis Paminikaywin nishtawinamouwin:

  1. aykwawnima En Michif wiya-ikou ashpayimouwin pi wiya-ikouhk tipaymishouwin si aykwawnima ayiwawkistakwun poor miywayawin pi mawachistawin En Michif kee-ishipimawchihounawniwun pi la sasyitee, avek alawntour, li famee pi lee zawnfawn
  2. aykwawnima En Michif wiya-ikouhk tipaymishouwin si aykwanwima dawn li miljeu ishi kahkiyow la zhuschis atoushkaywin pi pimawtishimakanoowin ouschi Lee lway’d En Michif, si la lway paminikaywina pi li koonpayeen, pi kee-ishipimawchihounawniwun si aykwawnima si nissisayr ishi kahkiyow kipihtinikaywin, awshtayayawin, pi kakeekayhk shipamihiwaywin pi shaytoushkawaywina
  3. ayshikihchee pimawchihaymakiwawn En Michif si la lway shihkimiwaywina, lee lway’d, pi kakayhtawayihtamouwina ouschi la zhuschis pi neekawnayistamouwin nishtowinawshouwin di En Michif tipayhchikaywin pawschi nakwatayihtamouwin ouschi En Michif la zhuschis
  4. aykwawnima Kenadaw pi En Michif ahkamay weechi chi-kishkayistakwahk kiko nawashwaywina chikee weechi-ahkikihtaw, pi aykwawnima weechi-ahkikihtawin chikee itayistakwan patawpahtamouwin nakishkamouwin ishi lee lway’d pi koonploon panachihtowin lee drway pi nakatayistamouwina ouschi En Michif
  5. aykwawnima weechi wawhkoostouwin awnter Li Gouvarnimaw di Kenadaw, li provayns pi li tayritori lee gouvarnimaw, pi En Michif si aykwawnima pakooshayimoowin ouschi, pi kishkinoustahiwayw, ooma Indigene La zhuschis Paminikaywin. Ooki Li Gouvarnimaw di Kenadaw chi-weechi atoushkayw avek li provayns pi li tayritori lee gouvarnimaw chi-shaytoushkawayw En Michif didawn pimawchihaymakiwawn see lway’d, si la lway paminikaywina pi li koonpayeen, pi neekawnayistamouwin nishtowinawshouwin di En Michif tipayhchikaywin pawschi nakwatayihtamouwin ouschi la zhuschis
  6. aykwawnima Tooroon Not Grawn Piyee Nawsyoon Weestamakaywin didawn Lee Drway di Indigene Li moond si aykwawnima mishiway itay li moond see drway awpachischikan avek ishi awpachistawin didawn lee lway’d Aen zhawn’d Kenadew
  7. aykwawnima pimoustatawin chikee pamihiwayw ouschi la lway kaw-oushtahk, koonploon, pi pimipayihtawinmatic nawashwaywina ahkamay avek Kenadaw sa ahkamaymouwin ishi weechi wawhkoostouwin

En Michif akishoowin pi En Michif nishtawayihtakoushiwin:

Ooma Indigene La zhuschis Paminikaywin chikee akishoowin ouschi si rawr natawaystamouwina ouschi En Michif, shaytoushkamouwin En Michif oushtawniwun, ahkikihtawin pi pimoustatawniwan la zhuschis-nisitohchikawtayw ishi paminikaywina pi shipamihiwaywin.

Namoo-peewayimiwaywin:

Ooma Indigene La zhuschis Paminikaywin chikee nahiyihtouwawn ishi ooma nanihkayimowin natawayistakwan chi-pounipayik ishpihtayakaskow peewayimiwaywin pakwatem En Michif didawn ooma la zhuschis paminikaywin, avek ouschiyawin ouschi nishtawinikawshoowin pi sa kushkumoustaytwina avek ahkwatishiwin keema aen sort-nishtawaymikawaywin keema nakayashkamohtahiwaywin.

Shimanawchistawhk En Michif la zhuschis - kaw-takwashtawhk nakishkamoowin:

Ooma Indigene La zhuschis Paminikaywin chi-anavawn ooma wiya-ikou ashpayimouwin ouschi En Michif ishi awnbrasee En Michif nishtoustamouwina ouschi la zhuschis. Ooma chikee avek pishkawpahtamouwin ouschi pimawtishimakanoowin di En Michif kee-ishipimawchihounawniwun, la sasyitii, li famee pi weechiwakanouhtoowina avek meena kaw-takwashtawhk nakishkamoowin ishi la zhuschis avek kipihtinikaywin, kakeekayhk, pi awshtayayawin shaytoushkawaywina pi shipamihiwaywin. Kahkiyow itahkamikishouwina, paminikaywina, pi shipamihiwaywin natawayistakwan chi-natakouhkawtayk takwashtayw itouchikaywin machee-itahkamikishouwin pi mayitoutawkaywina pi chi-natakouhkawtayk natawayistakwan ishi nawtawistawin paykounouhk pi mamouwiyaw miywaywin. Indigene La zhuschis Paminikaywin neekawnayihtamoowin itahkamikishouwina aykwawniki kaw-takwashtawhk washakayihk pi chikee paminamouwawn shawpou En Michif la lounet; ooma la lounet see veu itahkamikishouwina ishi weechi-mamisiwan pi katakoowawn.

Shasheepishiwin ouschiyawin, kushkumoustaytwin nakishkamoowin aykwawnima shimanawchistawhk kishchitaymoowin:

Ooma Indigene La zhuschis Paminikaywin shimanawchistawhk kishchitaymoowin ouschi En Michif ishpee kaw-mamowitouw avek Aen zhawn’d Kenadew la zhuschis paminikaywin pi kahkiyow kipihtinikaywin, kaw-awshtayahk, pi kakeekayhk shipamihiwaywin. Ooma Indigene La zhuschis Paminikaywin:

En seksyoon 1: En Michif Neekawnayihtamoowin itahkamikishouwina ishi nawtamakaywin ouschi En Michif Nawsyoon di Alberta, En Michif Nawsyoon British Columbia, En Michif Nawsyoon di Ontario pi En Michif Nawsyoon Saskatchewan

Ooma en seksyoon kee-weechi-ahkikihtawin avek En Michif daw Li rizhyoon Oneekawneew, En Michif Nawsyoon di Alberta, En Michif Nawsyoon British Columbia, En Michif Nawsyoon di Ontario, avek meena En Michif Nawsyoon-Saskatchewan.

Ishpee 2023, Kenadaw pi En Michif Nawsyoon di Alberta, En Michif Nawsyoon di Ontario pi the En Michif Nawsyoon-Saskatchewan mashinahamwak pahkawn keestwawm mowatakwashtaywawn Wiya-ikouhk Tipaymishouwin Nishtowinawshouwin pi Pimoustatawin Li nagrimawn kiko chi-weestamakayhk pi ahkamay li gouvarnimaw-ishi-li gouvarnimaw weechiwakanouhtoowin.

Ooma Indigene La zhuschis Paminikaywin nishtawinamouwin Kenadaw Sa nawsyoon-ishi-nawsyoon, li gouvarnimaw-ishi-li gouvarnimaw weechiwakanouhtoowin avek En Michif pi tipayimow chi-mamawi atoushkaywak ishi peekishkwawtamoowin pi mamawinitowin avek En Michif chi-awnfors ooma Paminikaywin. Ooma en seksyoon chikee awnturpretee pi mawscheeymakanouwawn ouschi En Michif shawpou sa nawashounaiwawn neepawistamakaywa ishi tipaymouwin avek sa tipayistam nakishkamawkaywina.

Ooma avek atouskaywin avek En Michif, ishi peekishkwawtamoowin pi mamawinitowin, chi-awpachistahk kishkayistawkoushiwin-ouschiyawin nakishkamoowin ishi pimoustatawin wiya-ikou ashpayimouwin neekawnayihtamoowina pi muwnayshkawkaywina kaw-mashnipayihtahk didawn ooma Indigene La zhuschis Paminikaywin chi-natakouhkawtayk pat rezonab neepawistamakaywin ouschi En Michif didawn ooma la zhuschis paminikaywin pi chi-shaytoushkam pimawtishimakanoowinowawn ouschi Lee lway’d En Michif pi si la lway paminikaywina.

Awta ooma Indigene La zhuschis Paminikaywin si aykwawnima aenportaan kiko ishi Kenadaw pi En Michif chi-peekishkwawtam pi mamawinitow chi-natakouhkawtayk, didawn neeshouhkamatouwin avek ihkatayistakwan lee provayns pi lee territwayr, pat rezonab neepawistamakaywin ouschi En Michif didawn ooma la zhuschis paminikaywin pi chi-shaytoushkam pimawtishimakanoowin ouschi Lee lway’d En Michif pi si la lway paminikaywina, En Michif wiya-ikou ashpayimouwin neekawnayihtamoowina pi muwnayshkawkaywina nisitohchikawtayw ishi la zhuschis pi nawtamouwaywin chikee meena ahkamay natakouhkawchikawtayk shawpou kootak nasawnblee, tapishkoot nawsyoon-ishi-nawsyoon, li gouvarnimaw-ishi-li gouvarnimaw awpachischikana keema li nagrimawn.

Mamawinitouwin weechiwakanouhtoowin pi pishkayimiwawn

Neekawnayihtamoowin Mawscheeymakanouwin 1: Ahkamay avek Neekawnayihtamoowin Mawscheeymakanouwin 2 ouschi ooma Indigene La zhuschis Paminikaywin, Kenadaw chi-atoushkayw ishi peekishkwawtamoowin pi mamawinitowin avek En Michif, pi ishi neeshouhkamatouwin avek lee provayns pi lee territwayr ishi nahiyokouhk, shawpou deu ishchikawtayyiw keema trwaw ishchikawtayyiw la zhuschis-nisitohchikawtayw ishi nihtawayihtamoowina chi-awnfors ooma Indigene La zhuschis Paminikaywin pi En Michif Neekawnayihtamoowina, avek meena chi-natakouhkawtayk, ahkikihtaw, chi-oushtawniwun keema awnfors kootak la zhuschis-nisitohchikawtayw ishi neekawnayihtamoowina. Poor nawat kayschinahouwin,

Neekawnayihtamoowin Mawscheeymakanouwin 2: Kenadaw will peekishkwawtam pi mamawinitow avek En Michif, pi mamawinitouwin avek lee provayns pi lee territwayr, chi-natakouhkawtayk wiya-ikou ashpayimouwin la zhuschis-nisitohchikawtayw ishi natawaystamouwina pi neekawnayihtamoowina. Ooma avek wawpastamouwin tawnsheeshi marwshihkaywawn li nagrimawn chikee awpachistawn chi-anavawn En Michif tipayhchikaywin aykwawnima ouschi ishi ooma nakwatayihtamouwin ouschi la zhuschis pi natakouhkawtayk ishpihtayakaskow peewayimiwaywin pi pat rezonab neepawistamakaywin ouschi En Michif didawn ooma la zhuschis paminikaywin.

Neekawnayihtamoowin Mawscheeymakanouwin 3: Ahkamay atoushkayw chi-awnfors En Michif Neekawnayihtamoowin 9 ouschi Tooroon Not Grawn Piyee Nawsyoon Weestamakaywin didawn Lee Drway di Indigene Li moond La lway Mawscheeymakanouwin En plawn, kiko taypwawtam poor pooyounawniwun ouschi La zhuschis pi Nawtamouwaywin Shayki-tipayimouwin shawpou Kenadaw-En Michif Nawsyoon Nawshpichi Tout awn sawmbl Awpachischikan. Ooma avek wawpastamouwin katakoowawn awnter ooma en seksyoon ouschi atoushkaywin pi atoushkaywin chi-awnfors ooma Indigene La zhuschis Paminikaywin. Ooma awpachischikan awpachistawn chi-natakouhkawtayk Mawscheeymakanouwin En plawn pi chi-awnfors Paminikaywin chikee didawn ooma itouwahk ishi shayki-tipayimouwin keema jeufarawn en manyayr.

Neekawnayihtamoowin Mawscheeymakanouwin 4: Ahkamay avek Neekawnayihtamoowin Mawscheeymakanouwin 4 ouschi ooma Indigene La zhuschis Paminikaywin, Kenadaw chi-peekishkwawtam pi mamawinitow avek En Michif chi-atoushkayw ishi ooma neekawnipayistawin ouschi kishkayistamihiwaywin ayikwakunoowin pi kaw-zaenproovmawn peesakwaniyiwa ouschi En Michif ishi tipayischikaywin wiya sa kishkayistamihiwaywin.

Neekawnayihtamoowin Mawscheeymakanouwin 5: Kenadaw chi-peekishkwawtam pi mamawinitow avek En Michif chi-atoushkayw ishi ooma weechihiwaywin ouschi chiwawpahtahiwayhk En Michif-ispray kishkayistamihiwaywin koleksyoon kaw-itouchikaymakahk ouschi la zhuschis shipamihiwaywin pi paminikaywina kaw-pamina Kenadaw, avek mamowitouwina pi kishkayistamouwina ouschi En Michif avek la zhuschis paminikaywina pi li koonpayeen. Ooma avek ahkikihtawin En Michif nishohkamakaywin didawn ooma kwayachistaniwawn ouschi kishkayistamihiwaywin ouschi en pwaent mawchistawin pi ahkikihtawin kawschitinamouwin ishi kishkayistamihiwaywin paminamouwin ouschi Li Gouvarnimaw di Kenadaw li departimawn, la zhawnsree, pi Li Promyee la zhawnsree aykwawnima si ihkatayistakwan ishi En Michif pi sa la bonn sawntee, miywayawin, pi sa pimawtishiwin.

Neekawnayihtamoowin Mawscheeymakanouwin 6: Ahkamay avek Neekawnayihtamoowin Mawscheeymakanouwin 3 ouschi ooma Indigene La zhuschis Paminikaywin, Kenadaw chi-peekishkwawtam pi mamawinitow avek En Michif nakishkawmouhtawin weechi-ahkikihtaw tipayimishounaniwawn, pishkayimiwawn, pi weestamakaywin itawpachischikana poor Indigene La zhuschis Paminikaywin pimoustatawin. Ooma chikee avek itwawhamawkaywina kaw-mizeuree ayshkamouwin aykwawnima nanawkatawayistam En Michif sa ishi kishkayistamouwin pi nishitoustamouwin, pi kiko kaw-shaytoushkahkik ouschi kishkayistamihiwaywin koleksyoon pi weestamakaywin en manyayr aykwawnima neekawnayihtamoowin En Michif kishkayistamihiwaywin ayikwakunoowin pi tipayimishounaniwawn.

Kinwaysh-ikouhk pi keetatayistawkwun aen tawd d’arzhawn

Neekawnayihtamoowin Mawscheeymakanouwin 7: Ahkamay avek Neekawnayihtamoowin Itahkamikishouwina 6, 7 pi 8 ouschi ooma Indigene La zhuschis Paminikaywin, Kenadaw ishi peekishkwawtamoowin pi mamawinitowin avek En Michif, chi-natounem ishi wawpaschikaywin aen tawd d’arzhawn kochiwahpatahiwaywina aykwawnihi wawhwakipayin pi keetatayistawkwun chi-shaytoushkawaywin En Michif wiya-ikou ashpayimouwin natawaystamouwina pi neekawnayihtamoowina kaw-ishi nishitouchikawtayk ishi En Michif-neekawneeshtamawkaywin la zhuschis paminikaywina pi shipamihiwaywin.

La zhuschis pi miywaywin

Neekawnayihtamoowin Mawscheeymakanouwin 8: Ishi peekishkwawtamoowin pi mamawinitowin avek En Michif, pi ishi neeshouhkamatouwin avek lee provayns pi lee territwayr, atoushkayw ishi ahkikihtawin yahkouhtaywina chi-shaytoushkam En Michif wiya-ikou ashpayimouwin, avek En Michif ahkikihtawin, pimoustatawniwan pi paminamouwawn la zhuschis shipamihiwaywin, paminikaywina pi li koonpayeen shouhkashtayw ishi Wâhkôtowin pi En Michif si la lway kishtayischikawtaywina.

Neekawnayihtamoowin Mawscheeymakanouwin 9: Ishi peekishkwawtamoowin pi mamawinitowin avek En Michif, pi ishi neeshouhkamatouwin avek lee provayns pi lee territwayr, atoushkayw ishi kaw-zaenproovmawn kawschitinamouwin, pi ahkikihtaw En Michif-ispray pi En Michif pimoustatawniwan shipamihiwaywin, shaytoushkawaywina pi paminikaywina ishi En Michif mamowitouw avek Aen zhawn’d Kenadew la zhuschis paminikaywin.

Neekawnayihtamoowin Mawscheeymakanouwin 10: Ahkamay avek Neekawnayihtamoowin Mawscheeymakanouwin 5 oushci ooma Indigene La zhuschis Paminikaywin, peekishkwawtam pi mamawinitow avek En Michif, pi mamawinitouwin avek lee provayns pi lee territwayr, ishi ahkikihtawin pi pimoustatawin En Michif-ispray shasheepishiwin-itapishinouwin nanatouhkooskawniskweewin kishkinouhtahiwaywin poor la zhuschis paminikaywin onahikawshoowak ishi kaw-zaenproovmawn ashwayistamoowina ouschi ispray En Michif kayawsh, kaw-kee-ishipimawchihounawniwun pi ishpayiwina. Ooma avek ispray kishkinouhtahiwaywin ishi ooma si rawr ishpayiwina ouschi En Michif avek aen sort-nishtawaymikawaywin, avek lee vyeu, lee fawm, lee yet zhenn, lee zawnfawn, li moond avek pwawtawishchikaywin, pi 2SLGBTQQIA+ li moond.

Nakwatayihtamouwin ouschi la zhuschis pi kawschitinamouwin ishi la zhuschis - nawtamouwaywin

Neekawnayihtamoowin Mawscheeymakanouwin 11: Peekishkwawtam pi mamawinitow avek En Michif, pi mamawinitouwin avek lee provayns pi lee territwayr, chi-anavawn En Michif nawtamouwaywin pi alawntour kenawayihtawkooshiwin neekawnayihtamoowina.

Neekawnayihtamoowin Mawscheeymakanouwin 12: Ahkamay avek Neekawnayihtamoowin Mawscheeymakanouwin 5 ouschi ooma Indigene La zhuschis Paminikaywin, peekishkwawtam pi mamawinitow avek En Michif, pi mamawinitouwin avek lee provayns pi lee territwayr, ahkikihtaw pi pimoustatawin kishkayistawkoushiwin ouschiyawin, kaw-ishi pimatishahk nahayhtawinawkwun, pi shasheepishiwin-itapishinouwin kishkinouhtahiwaywin poor la zhuschis pi nawtamouwaywin atoushkaywak.

Neekawnayihtamoowin Mawscheeymakanouwin 13: Peekishkwawtam pi mamawinitow avek En Michif ahkikihtaw yahkouhtaywina chi-shaytoushkawaywin En Michif alawntour kenawayihtawkooshiwin pi nawtamouwaywin natawaystamouwina, sourtoo chi-natakouhkawtayk kishkayistamouwina ouschi En Michif paykounouhk pi alawntour.

Nakwatayihtamouwin ouschi la zhuschis pi kawschitinamouwin ishi la zhuschis – kwayshkipayiwina

Neekawnayihtamoowin Mawscheeymakanouwin 14: Ahkamay avek Neekawnayihtamoowin Mawscheeymakanouwin 20 ouschi ooma Indigene La zhuschis Paminikaywin, peekishkwawtam pi mamawinitow avek En Michif, pi mamawinitouwin avek lee provayns pi lee territwayr, chi-ashaynam muwnayshkawkaywina pi nawut ayiwawk kawschitinamouwin ishi En Michif ahkikihtawin pi pimoustatawniwan Gladue pamihiwaywin pi paminikaywina didawn kahkiyow la zhuschis pimipayihtawina aykwawnima pakitinamiwawn kahkiyaw itayimouwina ouschi ispray ishpayiwina ouschi En Michif.

Neekawnayihtamoowin Mawscheeymakanouwin 15: Ahkamay avek Neekawnayihtamoowin Mawscheeymakanouwin 11 ouschi ooma Indigene La zhuschis Paminikaywin, peekishkwawtam pi mamawinitow avek En Michif, pi mamawinitouwin avek lee provayns pi lee territwayr, chi-mishawpayihtaw atoushkayahikaywin ouschi En Michif kaw-michiminahkik nanatouhkooskawniskweewin kishkayistamouwin, avek Li vyeu, Kishkayistamouwin Kenawayischikaywak, pi kootak alawntour li mambr chi-atoushkayw didawn la zhuschis li koonpayeen pi kaw-zaenproovmawn kawschitinamouwin ishi En Michif-ispray minwachihtowin shipamihiwaywin pi shaytoushkawaywina poor li moond avek kishkayistamouwina didawn ooma la zhuschis paminikaywin. Ooma chikee avek weechi-ahkikihtawin En Michif-ispray shaytoushkawaywina, shipamihiwaywin pi paminikaywina, pi En Michif-ispray nanatouhkooskawniskweewin pimipayihtawin.

Nakwatayihtamouwin ouschi la zhuschis - pimawtishimakanoowin pi awnforsimawn

Neekawnayihtamoowin Mawscheeymakanouwin 16: Peekishkwawtam pi mamawinitow avek En Michif, pi mamawinitouwin avek lee provayns pi lee territwayr, chi-anavawn si posibb nawashoonikaywina poor ahkikihtawin pi pimoustatawin ouschi Lee lway’d En Michif, En Michif la zhuschis pi si la lway paminikaywina pi si la lway li koonpayeen, nishtowinawshouwin ouschi En Michif tipayhchikaywin pawschi nakwatayihtamouwin ouschi la zhuschis, pi mamawinitouwin weechi-bimawtishinawniwawn ouschi En Michif pi Aen zhawn’d Kenadew si la lway paminikaywina.

Neekawnayihtamoowin Mawscheeymakanouwin 17: Kenadaw chi-natounem kaw-shaytoushkawayw En Michif chi-oushtahk peesakwaniyiwa ahkikihtaw pi awnfors Lee lway’d En Michif, avek awpootapastamiwawn, takounawin, oshihiwaywin, noukouhtawin pi ashwayistamoowina, pi kootak nisitohchikawtayw ishi pishishkayistamouwina chi-pimawtishimakan pi pimoustataniwan Lee lway’d En Michif, si la lway paminikaywina pi si la lway li koonpayeen.

Nakwatayihtamouwin ouschi la zhuschis pi kawschitinamouwin ishi la zhuschis - la lway

Neekawnayihtamoowin Mawscheeymakanouwin 18: Ahkamay avek Neekawnayihtamoowin Itahkamikishouwina 25 pi 26 ouschi ooma Indigene La zhuschis Paminikaywin, Kenadaw chi-peekishkwawtam pi mamawinitow avek En Michif, pi mamawinitouwin avek lee provayns pi lee territwayr, ouschi si posibb la lway kaw-oushtahk nawashoonikaywina chi-:

  1. nishtawinam tipayhchikaywin aykwawnima ishi ooma nakwatayihtamouwin ouschi awnforsimawn, avek mawka namou ashtamayikouhk ishi ooma shouhkayschikaywin, machi-itayimwaywin pi wiyashwawtamouwin ouschi Lee lway’d En Michif, pi En Michif si la lway paminikaywina pi li koonpayeen
  2. kayschinahouwawn ahkamay avek Tooroon Not Grawn Piyee Nawsyoon Weestamakaywin didawn Lee Drway di Indigene Li moond
  3. natakouhkawtayk ishpihtayakaskow peewayimiwaywin pakwatem pi pat rezonab neepawistamakaywin ouschi En Michif paykounouhk didawn ooma Aen zhawn’d Kenadew la zhuschis paminikaywin

Neekawnayihtamoowin Mawscheeymakanouwin 19: Ahkamay avek neekawnayihtamoowina kee-weestamwak ouschi En Michif, peekishkwawtamoowin pi mamawinitowin ishi tipaymouwin ouschi Neekawnayihtamoowin Mawscheeymakanouwin 25 keema Neekawnayihtamoowin Mawscheeymakanouwin 26 ouschi ooma Indigene La zhuschis Paminikaywin chikee avek wawpastamouwin si posibb la lway kaw-oushtahk nawashoonikaywina aykwawnima ouschi wiyaswawchikaywin.

En seksyoon 2: Neekawnayihtamoowina ouschi La Rivyayr Rouzh En Michif ishi nawtamakaywin ouschi Manitoba En Michif Mamamawitowak

Ishpee 2021, Kenadaw pi Manitoba En Michif Mamamawitowak mashinahamwak Manitoba En Michif Wiya-ikouhk Tipaymishouwin Nishtowinawshouwin pi Pimoustatawin Awn nagrimawn. Ishpee 2024, Kenadaw pi Manitoba En Michif Mamamawitowak mashinahamwak La Rivyayr Rouzh En Michif Wiya-ikouhk Tipaymishouwin Nishtowinawshouwin pi Pimoustatawin Tretee, kiko kishkayistamihiwayw pi ahkamayistam li gouvarnimaw-ishi-li gouvarnimaw weechiwakanouhtoowin awnter Kenadaw pi Manitoba En Michif Mamamawitowak.

Ooki Li Gouvarnimaw di Kenadaw chi-atoushkayw ishi weecheewakanouhtowin avek Manitoba En Michif Mamamawitowak chi-kashkihow kaw-pimitishahikawtayk akawawtamouwin itoutaymakunouwina poor ooma Indigene La zhuschis Paminikaywin, kaw-ishi nishitouhchikawtayk ishi ooma La Rivyayr Rouzh En Michif ishi nawtamakaywin ouschi Manitoba En Michif Mamamawitowak:

Kaw-pimitishahikawtayk neekawnayihtamoowin mawscheeymakanouwin li seksyoon chi-shaytoushkam oohin itoutaymakunouwina:

Mamawinitouwin weechiwakanouhtoowin pi pishkayimiwawn

Neekawnayihtamoowin 1: En Partineuz avek Manitoba En Michif Mamamawitowak chi-anavawn La Rivyayr Rouzh En Michif peesakwaniyiwa chi-kalektee, rekor, kenawaysitamouwin pi pakitinawniwun kishkayistamihiwaywin aykwawnima kwayesh kishkayistawkoushiwawn La Rivyayr Rouzh En Michif kishkayistamouwina avek la zhuschis paminikaywin. Ooma avek wawpastamouwin kishkayistamihiwaywin paminikaywin pimipayistawina, ayiwawk ahkikihtawin ouschi Manitoba En Michif Mamamawitowak kishkayistamihiwaywin paminikaywin paminikaywina pi kishkinouhtahiwaywin nawashoonikaywina chi-awnkourazhee kwayesh mawashakowpayhamouwin ishi kishkayistamihiwaywin ouschi La Rivyayr Rouzh En Michif nishtawinikawshoowin, avek aykwawnima ishi La Rivyayr Rouzh En Michif lee fawm, 2SLGTBQI+ li moond, li moond avek pwawtawishchikaywin pi lee yet zhenn didawn keniwaymowin.

Neekawnayihtamoowin 2: Ahkamay avek Neekawnayihtamoowin Mawscheeymakanouwin 2 ouschi ooma Indigene La zhuschis Paminikaywin, Kenadaw chi-atoushkayw avek Manitoba En Michif Mamamawitowak, pi en provayns keema lee provayns ishi nahiyokouhk, chi-awnfors ooma Indigene La zhuschis Paminikaywin pi La Rivyayr Rouzh En Michif neekawnayihtamoowina, avek meena chi-natakouhkawtayk, ahkikihtaw, chi-oushtawniwun keema awnfors kootak la zhuschis-nisitohchikawtayw ishi neekawnayihtamoowina. Poor nawat kayschinahouwin, Neekawnayihtamoowin Mawscheeymakanouwin 2 ouschi ooma Indigene La zhuschis Paminikaywin chikee pimoustatawniwan ishi tipaymouwin avek kishtayischikawtaywina pi pakooshayimoowina ouschi ooma Indigene La zhuschis Paminikaywin, avek kishkayistawkoushiwin-ouschiyawin nakishkamoowin.

Kinwaysh-ikouhk pi keetatayistawkwun aen tawd d’arzhawn

Neekawnayihtamoowin 3: Ishi peekishkwawtamoowin pi mamawinitowin avek Manitoba En Michif Mamamawitowak, Kenadaw chi-wawpaschikayw mowatakwashtaywawin La zhuschis Kenadaw aen tawd d’arzhawn kochiwahpatahiwaywina ishi kayschinahouwawn nawat ayiwawk shasheepishiwin pi keetatayistawkwuniwawn ishi aen tawd d’arzhawn La Rivyayr Rouzh En Michif wiya-ikou ashpayimouwin natawaystamouwina, neekawnayihtamoowina, paminikaywina, shipamihiwaywin, pi kootak la zhuschis-nisitohchikawtayw ishi nawashwaywina.

La zhuschis pi miywaywin

Neekawnayihtamoowin 4: En Partineuz avek Manitoba En Michif Mamamawitowak pi en provayns keema lee provayns ahkikihtaw yahkouhtaywina ishi kayschinahouwawn aykwawnima si rawr kee-ishipimawchihounawniwun pi ishihchikaywina ouschi La Rivyayr Rouzh En Michif aykwawnihi kishchayimouwawn ouschi pi takwashchikaywin ishi la zhuschis paminikaywin, avek muwnayshkawkaywin kaw-zaenproovmawn La Rivyayr Rouzh En Michif kawschitinamouwin ishi la zhuschis pi nishohkamakaywin didawn kaw-ishi pimatishahk ispray kakeekayhk pi awshtayayawin pimipayihtawin.

Neekawnayihtamoowin 5: En Partineuz avek Manitoba En Michif Mamamawitowak pi en provayns keema lee provayns ahkikihtaw yahkouhtaywina ishi kaw-zaenproovmawn kawschitinamouwin poor La Rivyayr Rouzh En Michif lee yet zhenn astasowayikaywin, ishi kaw-takwashtawhk shipamihiwaywin, kishkinohtahiwawyin paminikaywina, La Rivyayr Rouzh En Michif Li vyeu, pi kenawayihtawkooshiwin alawntour lispass.

Neekawnayihtamoowin 6: En Partineuz avek Manitoba En Michif Mamamawitowak pi en provayns keema lee provayns ahkikihtaw yahkouhtaywina chi-maenkiw kishkayistawkoushiwin-ouschiyawin, kaw-ishi pimatishahk-nahiyokouhk, shasheepishiwin-itapishinouwin shaytoushkawaywina, tapishkoot La Rivyayr Rouzh En Michif Alawntour La zhuschis Shaytoushkawaywin Atoushkaywak, chi-weechihiwayw La Rivyayr Rouzh En Michif, sourtoo lee yet zhenn, ishi kaw-kishkinouhtahikawtayk la zhuschis shipamihiwaywin pi si la lway pimipayihtawina – keeshipin ishi kitimahakanak keema muwinahikaywak – avek sourtoo pishkawpahtamouwin daw li nor pi daw la kawnpawyn alawntoor li seksyoon.

Neekawnayihtamoowin 7: En Partineuz avek Manitoba En Michif Mamamawitowak pi en provayns keema lee provayns ahkikihtaw yahkouhtaywina ishi mishawpayihtaw tipayischikaywin pi kawschitinamouwin ishi alawntour-paminamouwawn mowatakwashtaywina ishi wiyaswawchikaywin poor La Rivyayr Rouzh En Michif Zhi taen zhawnd. Oohin yahkouhtaywina chi-shaytoushkam kishkayistawkoushiwin-ouschiyawin, kaw-ishi pimatishahk nahiyokouhk mowatakwashtaywina aykwawnima shimanawchistawhk atoushkaywina ouschi La Rivyayr Rouzh En Michif Li vyeu pi Kishkayistamouwin Kenawayischikaywak, kitimahakanak, pi li faamii ishi chi-kishkayistakwahk nahiyokouhk nanatawistawin poor mawyitoutawaywina aykwawnihi kaw-kee-itouchikawtaykihk pi kiko ashtayw alawntour daw li cheur ouschi kakeekayhk pi awshtayayawin.

Nakwatayihtamouwin ouschi la zhuschis pi kawschitinamouwin ishi la zhuschis - nawtamouwaywin

Neekawnayihtamoowin 8: En Partineuz avek Manitoba En Michif Mamamawitowak pi en provayns keema lee provayns ahkikihtaw La Rivyayr Rouzh En Michif kenawayihtawkooshiwin li koonploon poor nawtamouwaywin. Ooma chikee avek:

  1. oushtaniwan ouschi alawntour kenawayihtawkooshiwin en bawnd awnter kishkinouhtahiwaywin ouschi Li vyeu pi Kishkayistamouwin Kenawayischikaywak kaw-ishi kishkayistakwahk ouschi Manitoba En Michif Mamamawitowak
  2. kishkinwahamakaywin pi kishkinouhtahiwaywin poor kahkiyow li polis l’ofisyee kaw-paminahkik La Rivyayr Rouzh En Michif
  3. itwayshtamawkayw awnter Manitoba En Michif Mamamawitowak pi li polis
  4.  kayschinahouwin atawayimiwaywin ouschi li polis wanitoutamouwin aykwawnihi nahiyokouhk wawpaschikawtaywa
Neekawnayihtamoowin 9: En Partineuz avek Manitoba En Michif Mamamawitowak pi en provayns keema lee provayns chi-anavawn La Rivyayr Rouzh En Michif nawtamouwaywin pi alawntour kenawayihtawkooshiwin neekawnayihtamoowina.

Nakwatayihtamouwin ouschi la zhuschis pi kawschitinamouwin ishi la zhuschis – kwayshkipayiwina

Neekawnayihtamoowin 10: En Partineuz avek Manitoba En Michif Mamamawitowak ahkikihtaw yahkouhtaywina ishi kayschinahouwawn aykwawnima Indigene shaytoushkawaywin shipamihiwaywin maenkiwawn aen manyayrr aykwawnima si La Rivyayr Rouzh En Michif ispray pi kishkayistawkoushiwin-ouschiyawin kaw-zaenproovmawn kawschitinamouwin poor La Rivyayr Rouzh En Michif daw li federal kipahikashouwin kaw-ishi pimatishahk nahiyokouhk shipamihiwaywin daw li federal kwayshkipayiwina li koonpayeen, avek muwnayshkawkaywin ouschi kaw-awnkourazhee kakeekayhk poor La Rivyayr Rouzh En Michif pi natakouhkawtamouwin wayinaywin.

Nakwatayihtamouwin ouschi la zhuschis - pimawtishimakanoowin pi awnforsimawn

Neekawnayihtamoowin 11: En Partineuz avek Manitoba En Michif Mamamawitowak ahkikihtaw yahkouhtaywina ishi pimawtishimakan La Rivyayr Rouzh Lee lway’d En Michif pi ishihchikaywina, avek La Rivyayr Rouzh En Michif nakawyashkumowin la lway, sourtoo didawn oohin li seksyoon ouschi kipihtinikaywin pi kwayashkwawchikaywin la zhuschis.

Nakwatayihtamouwin ouschi la zhuschis pi kawschitinamouwin ishi la zhuschis - la lway

Neekawnayihtamoowin 12: Kenadaw chi-peekishkwawtam pi mamawinitow avek Manitoba En Michif Mamamawitowak ouschi si posibb la lway kaw-oushtahk nawashoonikaywina chi-natakouhkawtayk ishpihtayakaskow peewayimiwaywin pakwatem, pi pat rezonab neepawistamakaywin ouschi La Rivyayr Rouzh En Michif didawn ooma Aen zhawn’d Kenadew la zhuschis paminikaywin, avek meena si posibb la lway kaw-oushtahk nawashoonikaywina chi-nishtawinam pi pakitinamiwawn La Rivyayr Rouzh En Michif awpachistawin ouschi tipayhchikaywin aykwawnima ouschi nakwatayihtamouwin ouschi la zhuschis, avek awnforsimawn, machi-itayimwaywin pi wiyashwawtamouwin ouschi Manitoba En Michif Mamamawitowak lee lway’d.