Kishtayischikawtaywina pi pakooshayimoowina
- Wiya-ikou ashpayimouwin. Ooma Indigene La zhuschis Paminikaywin natounem shaytoushkawayw Li Promnyee Nawsyoon, Aen Niskimoo pi En Michif li moond sa awpachistawin pi mitouni myeuwawtamouwin ouschi lee drway ishi wiya-ikou ashpayimouwin pi wiya-ikouhk tipaymishouwin, avek nishohkamatouwin pi ahkikihtawin sa takoowawn ishi ahkikihtawin, nakatayistamouwin pi pimoustatawin sa tipayhchikaywin, lee lway’d, li gouvarnimaw, paminikaywina pi shipamihiwaywin didawn oohin li seksyoon ouschi la zhuschis pi li piblik kenawayihtawkooshiwin. Ooma pimawtishimakanoowin ouschi Li Promnyee Nawsyoon, Aen Niskimoo pi En Michif kee-ishipimawchihounawniwun, la lawngaezh, li koonpayeen, lee lway’d, nakawyashkumowina, pi ishihchikaywina aykwawnihi si nissisayr poor kenawayihtawkooshiwin, kipihtinikaywin, awshtayayawin pi kakeekayhk.
- Mamawinitouwin weechiwakanouhtoowin. Ooma Indigene La zhuschis Paminikaywin nishtawinamouwin pi wawpahchikawtayw ayshikihchee ouschi wawweepat, mitouni iyikouhk, ashpaymitoutawin pi ahkamay neeshouhkamatouwin awnter Li Promnyee Nawsyoon, Aen Niskimoo pi En Michif lee gouvarnimaw pi neepawistamakaywin mamowitouwina, pi li provayns, li tayritori, pi li federal lee gouvarnimaw, chi-awpatayistakwahk kinwaysh-ikouhk, kwayshkoochinawkoohtawin pi boon balawnsee sartaen itouchikaymakaniyawa.
- Kishkayistawkoushiwin-ouschiyawin nakishkamoowin. Ooma Indigene La zhuschis Paminikaywin weechihiwayw ishi pimoustatawin ooma UN Weestamakaywin ishi awpachistawin kishkayistawkoushiwin-ouschiyawin nakishkamoowin. Ooma Indigene La zhuschis Paminikaywin rispay anima weeyoutishaymakunoowin ouschi Li Promnyee Nawsyoon, Aen Niskimoo pi lee lway’d Lee lway’d En Michif pi si la lway paminikaywina, wiya-ikou ashpayimouwin natawaystamouwina pi neekawnayihtamoowina ouschi Li Promnyee Nawsyoon, Aen Niskimoo pi En Michif lee gouvarnimaw pi neepawistamakaywin mamowitouwina, avek meena natawaystamouwina ouschi Li Promnyee Nawsyoon, Aen Niskimoo pi En Michif li moond kaw-mamowitouw avek Aen zhawn’d Kenadew la zhuschis paminikaywin. Kishkayistawkoushiwin-ouschiyawin nakishkamoowin avek nishtawinamouwin aykwawnima Indigene Maykwawt Tretee En Partineuz ayawak si rawr weechiwakanouhtoowin avek Kenadaw pi lee provayns pi lee territwayr aykwawnima ouschi sa Maykwawt Tretee, kiko pikou kishkinoustahiwayw Tretee En Partineuz nakishkamoowin. Kishkayistawkoushiwin-ouschiyawin nakishkamoowin meena nishtawinum aykwawnima, ishi la diskripsyoon kaw-kameekihk didawn ooma UN Weestamakaywin, Indigene li moond ayawak lee drway chi-takoochik shawpou neepawistamakaywa kanawashounahkik wiyawaw ishi tipaymouwin avek sa tipayistamiwawn nakishkamawkaywina.
- La zhuschis ishi miywaywin. Ooma Indigene La zhuschis Paminikaywin natounem chi-anavawn kwayshkoochinawkoohtawin yahkouhtaywina aykwawnima rispay pi shaytoushkawayw Li Promnyee Nawsyoon, Aen Niskimoo pi En Michif nishtoustamouwina ouschi la zhuschis, avek natawayistakwan nawtawistawin paykounouhk pi mamouwiyaw miywaywin.
- Kaw-takwashtawhk nakishkamoowin. Ooma Indigene La zhuschis Paminikaywin natounem chi-anavawn Li Promnyee Nawsyoon, Aen Niskimoo pi En Michif wiya-ikou ashpayimouwin ishi awnbrasee nishtoustamouwina ouschi la zhuschis shouhkashtayw Li Promnyee Nawsyoon, Aen Niskimoo pi En Michif kaw-kee-ishipimawchihounawniwun, nakawyashkumowina, lee lway’d pi si la lway paminikaywina pi li koonpayeen. Ooma Paminikaywin avek pishkawpahtamouwin ishi ooma pimawtishimakanoowin ouschi Li Promnyee Nawsyoon, Aen Niskimoo pi En Michif kaw-kee-ishipimawchihounawniwun, la sasyitii, li famee pi weechiwakanouhtoowina pi neeshohkamakayw poor kaw-takwashtawhk nakishkamoowina ishi la zhuschis itayimoowin ishi natakouhkawtamouwin takwashtayw itouchikaywina ouschi machee-itahkamikishouwin, mayitoutawkaywina pi natawayistakwan ishi nawtawistawin paykounouhk pi mamouwiyaw miywaywin. Ooma avek nishtawinamouwin ouschi jeufarawn itaystamouwina nisitohchikawtayw ishi li tawn'd kayawsh, li plaes pi weechiwakanouhtoowina avek li tayr pi wawshakawshkayhk, kiko aykwawnihi dawn li miljeu ishi mischayt Indigene si la lway paminikaywina pi kakayhtawayihtamouwina oushci la zhuschis.
- Shasheepishiwin ouschiyawin, shasheepishiwin-itapishinouwin, kaw-ishi pimatishahk nahayhtawinawkwun pi nahiyokouhk kushkumoustaytwin nakishkamoowin. Ooma Indigene La zhuschis Paminikaywin natounem shimanawchistawhk kishchitaymoowin ouschi Li Promnyee Nawsyoon, Aen Niskimoo pi En Michif li moond didawn sa mamowitouwin avek la zhuschis paminikaywin pi kahkiyow kipihtinikaywin kaw-awshtayahk pi kakeekayhk shipamihiwaywin pi shaytoushkaywina. Ooma Indigene La zhuschis Paminikaywin natounem chi-nishtawinam si rawr ishpayiwina ouschi Li Promnyee Nawsyoon, Aen Niskimoo pi En Michif li moond avek aen sort-nishtawaymikawaywin, avek lee vyeu, lee fawm, lee yet zhenn, lee zawnfawn, li moond avek pwawtawishchikaywin pi 2SLGBTQQIA+ li moond, pishkawpastamouwin ooma natawayistakwan ispray nanatouhkooskawniskweewin keniwaymowin pi kakeekayhk chi-ashaynam ikouhk ouschi wayinaywin. Li Promnyee Nawsyoon, Aen Niskimoo pi En Michif lee gouvarnimaw pi neepawistamakaywin mamowitouwina nawat itashtaywawn chi-maenkiw itouwahk nanatouhkooskawniskweewin keniwaymowin pi kakeekayhk. Ooma Paminikaywin ay-itayistam ooma ispray natawaystamouwina, kishkayistamouwina, nishtawaymikawshoowina, kashkistawina pi kishkayistamouwin ouschi oohin paykounouhk pi alawntour pi chi-natounem kaw-outina akishoowin pi kushkumoustaytwin nakishkamoowin aykwawnima itayistamowawn parmi li moond ouchihaywin oushci aen sort-nishtawaymikawaywin.
- Kawschitinamouwin ishi la zhuschis. Ooma Indigene La zhuschis Paminikaywin natounem chi-ashaynam muwnayshkawkaywina ishi la zhuschis pi maenkiw ayiwawk Indigene-neekawneeshtamawkaywin, kaw-ishi pimatishahk nahayhtawinawkwun pi nahiyokouhk, shasheepishiwin-itapishinouwin, la zhuschis shaytoushkaywina poor Li Promyee Nawsyoon, Aen Niskimoo pi En Michif li moond kaw-kishkinouhtahikawtayk Aen zhawn’d Kenadew la zhuschis paminikaywina. Ooma Indigene La zhuschis Paminikaywin nishtawinamouwin aykwawnima mitouni en siirieu pat rezonab neepawistamakaywin ouschi Li Promyee Nawsyoon, Aen Niskimoo pi En Michif li moond didawn ooma Aen zhawn’d Kenadew li kriminel la zhuschis paminikaywin si aykwawnima ayimaniwawn kaw-natawayistakwahk kwayshkoochinawkoohtawin nakishkamoowin ishi kawschitinamouwin la zhuschis.
- Nakwatayihtamouwin ouschi la zhuschis. Ooma Indigene La zhuschis Paminikaywin natounem chi-anavawn neekawnayihtamoowina ouschi Li Promnyee Nawsyoon, Aen Niskimoo pi En Michif alawntour chi-riklawmeenaniwawn tipayhchikaywin pawschi nakwatayihtamouwin ouschi la zhuschis ishi neeshouhkamatouwin avek lee provayns pi lee territwayr, pi pimawtishimakan Li Promnyee Nawsyoon, Aen Niskimoo pi lee lway’d En Michif, si la lway shihkimiwaywina, si la lway li koonpayeen, si la lway paminikaywina pi ishihchikaywina.
- Kinwaysh-ikouhk pi keetatayistawkwun aen tawd d’arzhawn. Ooma Indigene La zhuschis Paminikaywin nishtawinum aykwawnima Li Promnyee Nawsyoon, Aen Niskimoo pi En Michif lee gouvarnimaw pi neepawistamakaywin mamowitouwina natawayistakwan kawschitinamouwin ishi ahkamay, kinwaysh-ikouhk pi aen tawd d’arzhawn en balawns pamihiwaywina poor ishi tipipayistawin sa pimouhtaystamouwin pi pishishkayistamouwina pi kayschinahouwawn li moond sa miywayawin pi ayshkam shasheepishiwin.
- Pishkayimiwawn. Ooma Indigene La zhuschis Paminikaywin nishtawinum aykwawnima pishkayimiwawn si aykwawnima kischee chi-nakishkikawtayk kwayshkoochinawkoohtawin pakooshayimoowina ouschi ooma Indigene La zhuschis Paminikaywin. Mawscheeymakan pi shasheepishiwawn pimoustatawin ouschi ooma Indigene La zhuschis Paminikaywin chikee avek weechi-ahkikihtawin kenawawpaschikaywin awpachischikana pi wayashtaywina aykwawnima nanawkatawayistam Li Promnyee Nawsyoon, Aen Niskimoo pi En Michif ishi kishkayistamouwin, nishitoustamouwin pi kakeekayhk.
- Date modified: