Pimoustatawin

Neekawnayihtamoowin Mawscheeymakanouwin 1 (JUS)

Ishi peekishkwawtamoowin pi mamawinitowin avek Li Promnyee Nawsyoon, Aen Niskimoo pi En Michif, ahkikihtaw pi neekawnayihtamoowin pimoustatawin ouschi kishkayistawkoushiwin-ouschiyawin pi wiya-ikou ashpayimouwin la zhuschis natawaystamouwina, avek Li Promnyee Nawsyoon, Aen Niskimoo pi En Michif kishkayistawkoushiwin-ouschiyawin neekawnayihtamoowina.

Neekawnayihtamoowin Mawscheeymakanouwin 2 (JUS, PS, CSC, RCMP, ISC, CIRNAC)

Nakishkawmouhtawin pi chi-nakwatayihta Li federal-Li provayns-Li tayritori-Indigene mamowitouwin pi Li federal-Indigene tout awn sawmbl la zhuschis-nisitohchikawtayw ishi nihtawayihtamoowina poor pimoustatawin ouschi ooma Indigene La zhuschis Paminikaywin, poor itayimoowin ouschi:

1. mawchistawin nakwatayihtamouwin la zhuschis marwshihkaywina
2. mawchistawin peekishkwatamouwina ishi ooma pimawtishimakanoowin ouschi lee lway’d Indigene pi si la lway shihkimiwaywina
3. neekawnayistamouwin li rizhyoon-pi alawntour-ispray mawscheeymakanouwin nitawayischikaywina poor la zhuschis pamihiwaywin nahi ashchikawtaywin
4. shaytoushkamouwin pi mawchistawin pimipayihtawin pi pamihiwaywin takwashchikaywin
5. nishtawinamouwin si posibb la lway kaw-oushtahk mayshkoohtashtawina keema oushtaniwan aen neu la lway
6. kootak ihkatayistakwan itahkamikishouwina kaw-natawayistakwan chi-awnfors Neekawnayihtamoowin Itahkamikishouwina

Natounamouwin chi-mawhmaykihk ahkamay pamihiwaywina pi paminamoowin chi-nakwatayihta poor itouwahk mamowitouwin keema tout awn sawmbl nihtawayihtamoowina.

Neekawnayihtamoowin Mawscheeymakanouwin 3 (JUS)

Ishi peekishkwawtamoowin pi mamawinitowin avek Li Promnyee Nawsyoon, Aen Niskimoo pi En Michif, natounem nakishkawmouhtawin tipayimishounaniwawn, pishkayimiwawn pi weestamakaywin itawpachischikana poor Indigene La zhuschis Paminikaywin pimoustatawin, avek itwawhamawkaywina kaw-mizeuree ayshkamouwin, aykwawnima nanawkatawayistam Li Promyee Nawsyoon, Aen Niskimoo pi En Michif sa ishi kishkayistamouwin pi nishitoustamouwin, kiko pamihiwaywin ouschi kishkayistamihiwaywin koleksyoon pi weestamakaywin en manyayr aykwawnima neekawnayihtamoowin Li Promnyee Nawsyoon, Aen Niskimoo pi En Michif kishkayistamihiwaywin ayikwakunoowin pi tipayimishounaniwawn.

Neekawnayihtamoowin Mawscheeymakanouwin 4 (JUS, PS, CSC, RCMP, Statistics Canada)

Ishi peekishkwawtamoowin pi mamawinitowin avek Li Promnyee Nawsyoon, Aen Niskimoo pi En Michif, atoushkayw ishi ooma neekawnipayistawin ouschi kishkayistamihiwaywin ayikwakunoowin shawpou kishkayistawkoushiwin-ouschiyawin kishkayistamihiwaywin koleksyoon, mawashakowpayhamouwin pi chiwawpahtahiwayhk ouschi kishkayistamihiwaywin nisitohchikawtayw ishi la zhuschis shipamihiwaywin pi paminikaywina, avek mamowitouwin pi kishkayistamouwina ouschi Li Promnyee Nawsyoon, Aen Niskimoo pi En Michif paykounouhk avek la zhuschis paminikaywina pi li koonpayeen.

Neekawnayihtamoowin Mawscheeymakanouwin 5 (RCMP, CSC, PBC, JUS, PPSC)

Atoushkayw avek pi, keeshpin si posibb, shaytoushkawayw Li Promnyee Nawsyoon, Aen Niskimoo pi En Michif chi-nishtawinikawtayw, awnfors keema ahkikihtaw pi pimoustatawin kishkinouhtahiwaywin pi kishkayistamouwin kochiwahpatahiwaywina poor nanatouhkooskawniskweewin kishkayistamouwin poor la zhuschis paminikaywin onahikawshoowak chi-oushtahk pi kaw-zaenproovmawn ashwayistamoowina ouschi kayawsh, kaw-kee-ishipimawchihounawniwun pi ishpayiwina ouschi Li Promyee Nawsyoon, Aen Niskimoo pi En Michif li moond, avek ahkamay ayimihouwina ouschi shakouchihiwaywin.

Neekawnayihtamoowin Mawscheeymakanouwin 6 (JUS)

Mitouni weestamawinawn La zhuschis Kenadaw aen tawd d’arzhawn kochiwahpatahiwaywina chi-ashaynam paminamoowin ayimihouwin pi chi-nakwatayihta ayiwawk wawhwakipayin, keetatayistawkwun, ikoyikohk, kishkayistawkoushiwin-ouschiyawin pi alawntour-paminamouwin la zhuschis awpootapastamiwawn pi pimipayihtawin. Wawpaschikaywin ishi awpachistawin ouschi La zhuschis Kenadaw aen tawd d’arzhawn kochiwahpatahiwaywina chi-maenkiw poor la koonpayeen natawaystamouwina avek wayashtaywin.

Neekawnayihtamoowin Mawscheeymakanouwin 7 (JUS)

Ishi peekishkwawtamoowin pi mamawinitowin avek Li Promnyee Nawsyoon, Aen Niskimoo, En Michif pi (itay kaw-itayistakwahk), ishi neeshouhkamatouwin avek lee provayns pi lee territwayr, mawchistawn kishkayistawkoushiwin-ouschiyawin, daw li rizhyoon-pishkawpahtamouwin natawaystamouwina kenawawpaschikawtaywin pi ay-itakistayk wawpaschikaywin chi-nishtawinikawtaywa tawawina didawn ihtakwaniwan la zhuschis shipamihiwaywin poor li tawn ki vyayn pamihiwaywin pi pimipayihtawin aen tawd d’arzhawn.

Neekawnayihtamoowin Mawscheeymakanouwin 8 (JUS, PS, CSC, ISC)

Ishi peekishkwawtamoowin pi mamawinitowin avek Li Promnyee Nawsyoon, Aen Niskimoo, En Michif pi (itay kaw-itayistakwahk), ishi weecheewakanouhtowin avek lee provayns pi lee territwayr, natounamouwin wawpaschikaywin nawashoonikaywina chi mishawpayihtaw ihtakwaniwan la zhuschis paminikaywina pi nawashwaywina (keema awnkourazhee oushtaniwan ouschi neu paminikaywina pi nawashwaywina) aykwawnima oushtawniwun pi pimoustatawniwan ouschi Li Promnyee Nawsyoon, Aen Niskimoo pi En Michif.

Neekawnayihtamoowin Mawscheeymakanouwin 9 (JUS, PS, ISC, CIRNAC)

Atoushkayw avek pi keeshpin si posibb, shaytoushkawayw Li Promnyee Nawsyoon, Aen Niskimoo pi En Michif, pi atoushkayw avek lee provayns pi lee territwayr, chi-awpootapastamiwawn, ahkikihtaw pi mishawpayihtaw awpachistawin ouschi kishkayistawkoushiwin-ouschiyawin, kaw-ishi pimatishahk nahayhtawinawkwun pi nahiyokouhk pimipayihtawin ishi shaytoushkawayw Li Promnyee Nawsyoon, Aen Niskimoo pi En Michif pimipayihtawina aykwawnima awnkourazhee awshtayayawin, minwachihtowin pi kakeekayhk.

Neekawnayihtamoowin Mawscheeymakanouwin 10 (JUS, PS, RCMP)

Nawut ayiwawk kawschitinamouwin ishi Li Promnyee Nawsyoon, Aen Niskimoo- pi En Michif-neekawneeshtamawkaywin, kaw-ishi pimatishahk nahayhtawinawkwun pi nahiyokouhk pi shasheepishiwin-itapishinouwin kitimahakan shipamihiwaywin pi shaytoushkaywina ishi shaytoushkamouwin:

• nishouhkamakaywin weechayhtoowinin poor ishi chi-maenkiw kaw-takwashtawhk, kaykinikawtayw pi mitouni iyikouhk shaytoushkawaywin chi-pishishkayimayw kahkiyow Indigene kitimahakanak, ishkounikanak pi li famee di MMIWG2S+ kenawayihtawkooshiwin, weechihiwayw chi-nakatouhkaychik paminikaywina aykwawnihi kaw-takoochik ishi, pi neeshohkamakayw poor sa natawaystamouwina pi lee drway
• ahkamay pi kawschitinamouwawn alawntour-neekawneeshtamawkaywin kakeekayhk paminikaywina
• weechayhtoowin pi shouhkahtwawin neeshouhkamatouwin awnter Li Promnyee Nawsyoon, Aen Niskimoo pi En Michif pi kahkiyow la lavel ouschi li gouvarnimaw pi tout sort la zhuschis la zhawnsree chi-nishtawinikawtayw pi awnfors itahkamikishouwina (li koonploon, lee lway’d nahi ashchikawtaywin, kakayeshkimiwaywina) aykwawnima chi-ashaynam mawyitoutawaywin kaw-mooshistow ouschi Li Promnyee Nawsyoon, Aen Niskimoo pi En Michif li moond aykwawniki kitimahakanak pi ishkounikanak ouschi la krim ishpee takounawn didawn ooma la zhuschis paminikaywin, avek meena natakouhkawtamouwin ooma awnter-kushkumoustaywin peetoush mamawohkamawtoowin pi awnter-tipayhchikaywin muwnayshkawkaywina aykwawnima panachihtow sa kashkistawin ishi kawschitinamouwin la zhuschis

Neekawnayihtamoowin Mawscheeymakanouwin 11 (JUS, CSC, RCMP, PBC)

Mishawpayihtaw atoushkayahikaywin ouschi pi natounamouwin chi-mawhmaykihk nahiyokouhk pamihiwaywina poor, Li Promnyee Nawsyoon, Aen Niskimoo, pi En Michif kaw-michiminahkik nanatouhkooskawniskweewin kishchayistamawn, avek Li vyeu, Kishkayistamouwin Kenawayischikaywak pi kootak alawntour li mambr chi-atoushkayw didawn La zhuschis li koonpayeen. Ooma avek wawpastamouwin nawashoonikaywina ishi awnkourazhee atoushkaywin didawn la zhuschis li koonpayeen chi-maenkiw kishkayistawkoushiwin-ouschiyawin pi kaw-ishi pimatishahk nahayhtawinawkwun pi nahiyokouhk shaytoushkawaywin ishi Li Promnyee Nawsyoon, Aen Niskimoo pi En Michif li moond kaw-mamowitouw avek Aen zhawn’d Kenadew la zhuschis paminikaywin.

Neekawnayihtamoowin Mawscheeymakanouwin 12 (JUS)

Ishi peekishkwawtamoowin pi mamawinitowin avek Li Promnyee Nawsyoon, Aen Niskimoo pi En Michif pi didawn neeshouhkamatouwin avek lee provayns pi lee territwayr, wawpaschikaywin nakishkawmouhtawin keema mishawpayihtawin takwashchikaywin, kaw-takwashtawhk Indigene Alawntour La zhuschis Li plaes chi-maenkiw kaw-ishi pimatishahk-kenawayihtawkooshiwin pi nahiyokouhk, kishkayistawkoushiwin-ouschiyawin pi shasheepishiwin-itapishinouwin chi-weestamakayhk kaw-takwashtawhk nakatohkawchikawtaywin paminikaywin pi shaytoushkaywina aykwawnima awnkourazhee alawntour minwachihtowin, kakeekayhk pi kawschitinamouwin ishi la zhuschis poor Indigene li moond.

Neekawnayihtamoowin Mawscheeymakanouwin 13 (CSC, JUS)

Wawpaschikaywin mishawpayihtawin Li Promnyee Nawsyoon, Aen Niskimoo pi En Michif tipayischikaywin pi kawschitinamouwin ishi alawntour-paminamouwawn mowatakwashtaywina yahkouhtaywina avawn pi mwaystash wiyaswawchikaywin poor Li Promnyee Nawsyoon, Aen Niskimoo pi En Michif li moond didawn ooma Aen zhawn’d Kenadew la zhuschis paminikaywin ishi shaytoushkawaywin kishkayistawkoushiwin-ouschiyawin, kaw-ishi pimatishahk nahayhtawinawkwun pi nahiyokouhk li ripoond ishi la zhuschis aykwawnima awnkourazhee kakeekayhk pi miywaywin.

Neekawnayihtamoowin Mawscheeymakanouwin 14 (JUS, PS, RCMP)

Shaytoushkawayw Li Promnyee Nawsyoon, Aen Niskimoo pi En Michif alawntour ishi kawschitinamouwin shapookishkayistumouwin, kishchaymoowin, nahiyihtouwawn, nawtamouwaywin shipamihiwaywin pi shouhkahtwawin weechiwakanouhtoowina awnter li polis pi alawntour.

Neekawnayihtamoowin Mawscheeymakanouwin 15 (JUS, PS, RCMP, CSC)

Ishi peekishkwawtamoowin pi mamawinitowin avek Li Promnyee Nawsyoon, Aen Niskimoo pi En Michif pi ishi neeshouhkamatouwin avek lee provayns pi lee territwayr, natounem chi-anavawn, mishawpayihtaw pi awnfors takwashchikaywin, kaw-takwashtawhk, kishkayistawkoushiwin-ouschiyawin pi kaw-ishi pimatishahk nahayhtawinawkwun pi nahiyokouhk nakatohkawchikawtaywin paminikaywin pi kaw-takwashtawhk shaytoushkaywina poor Li Promnyee Nawsyoon, Aen Niskimoo pi En Michif li moond kaw-kipahikashow ishi shaytoushkawaywin minwachihtowin pi kakeekayhk.

Neekawnayihtamoowin Mawscheeymakanouwin 16 (CSC, PS, JUS) 

Ishi peekishkwawtamoowin pi mamawinitowin avek Li Promnyee Nawsyoon, Aen Niskimoo pi En Michif, wawpaschikaywin ooma ahkikihtawin ouschi aen paray aen tawd d’arzhawn kochiwahpatahiwaywina aykwawnima neekawnayihtamoowin pi nawut ayiwawk natawayischikaywin ouschi alawntour-neekawneeshtamawkaywin la prayzoun shipamihiwaywin ishi Indigene mayinikaywak avek kakeekayhk li maenzoon (aykwawnima si, s. 81 ouschi Kwayshkipayiwina pi Pakitinakawshouwin Si la lway S.C. 1992, c. 20).

Neekawnayihtamoowin Mawscheeymakanouwin 17 (CSC, PS, JUS)

Ishi peekishkwawtamoowin pi mamawinitowin avek Li Promnyee Nawsyoon, Aen Niskimoo pi En Michif, wawpaschikaywin mishawpayihtawin pi shaytoushkawaywin oushci alawntour-paminamouwin la prayzoun shipamihiwaywin aykwawnihi oushtawniwun pi pimoustatawniwan ouschi Li Promnyee Nawsyoon, Aen Niskimoo pi En Michif.

Neekawnayihtamoowin Mawscheeymakanouwin 18 (CSC)

Ishi peekishkwawtamoowin pi mamawinitowin avek Li Promnyee Nawsyoon, Aen Niskimoo pi En Michif pi ishi neeshouhkamatouwin avek lee provayns pi lee territwayr, wawpastamouwin pi mayshkoohtashtawin maykwawt awpachischikana kaw-awpachistahk poor keemoochi awn nagrimawn didawn li koonpayeen, pi Gladue li ripoor poor wiyaswawchikaywin pi pakitinikashouwin, ashaynam muwnayshkawkaywina pi natakouhkawtayk li troub ouschi ishpihtayakaskow peewayimiwaywin.

Neekawnayihtamoowin Mawscheeymakanouwin 19 (CSC)

Ishi peekishkwawtamoowin pi mamawinitowin avek Li Promnyee Nawsyoon, Aen Niskimoo pi En Michif, ahkikihtaw mishiway itay omachaysihchikayw-tapaschistikaywin Paminikaywin daw li federal la prayzoun li koonpayeen, chi-pimoustatawniwan pi sipawree neekawneeshtamawkaywin ouschi Indigene mamowitouwina chi-maenkiw kishkayistawkoushiwin-ouschiyawin kipishkamakaywin pi minwachihtowin shaytoushkawaywin poor mishtahi-astasowayikaywin Li Promnyee Nawsyoon, Aen Niskimoo pi En Michif li moond aykwawniki kaw-nouhtay tapaschistikayw omachaysihchikayw pimawtishiwin.

Neekawnayihtamoowin Mawscheeymakanouwin 20 (JUS, CSC)

Ishi peekishkwawtamoowin pi mamawinitowin avek Li Promnyee Nawsyoon, Aen Niskimoo pi En Michif pi didawn neeshouhkamatouwin avek lee provayns pi lee territwayr, igzaminee ooma wayschi-kawschitinamouwin ouschi Gladue pamihiwaywin avek la veu ishi ahkikihtawin nawashoonikaywina poor mishiway itay kwayashkwawchikaywina ishi ooma kwayachistowin di Gladue li ripoor chi-ashaynam muwnayshkawkaywina ishi kawschitinamouwin Gladue pamihiwaywin.

Neekawnayihtamoowin Mawscheeymakanouwin 21 (JUS, PS, ISC, CIRNAC)

Peekishkwawtam pi mamawinitow avek Li Promnyee Nawsyoon, Aen Niskimoo pi En Michif ouschi si posibb lee shawnzhmawn ishi li federal koonploon pi li tax tou lee zawn wayashtaywina poor marwshihkaywin ouschi mamowitouwin keema tout awn sawmbl li nagrimawn chi-awnkourazhee aykwy-ikouhk apataniwun pi kaw-atoushkaymakuhk awnforsimawn, machi-itayimwaywin pi wiyashwawtamouwin ouschi Li Promyee Nawsyoon, Aen Niskimoo pi Lee lway’d En Michif (tapishkoot, shawpou maykwawt tretee, wiya-ikouhk tipaymishouwin li nagrimawn pi kootak nihtawayihtamoowina).

Neekawnayihtamoowin Mawscheeymakanouwin 22 (JUS, CIRNAC)

Peekishkwawtam pi mamawinitow avek Li Promnyee Nawsyoon, Aen Niskimoo pi En Michif ishi si posibb lee shawnzhmawn ishi li federal koonploon pi li tax tou lee zawn wayashtaywina poor pimoustatawin ouschi maykwawt tretee, wiya-ikouhk tipaymishouwin li nagrimawn pi kootak nihtawayihtamoowina didawn poor ishi chi-awnkourazhee aykwy-ikouhk apataniwun pi kaw-atoushkaymakuhk awnforsimawn, machi-itayimwaywin pi wiyashwawtamouwin ouschi lee lway’d Indigene.

Neekawnayihtamoowin Mawscheeymakanouwin 23 (JUS, PS, RCMP, CIRNA, ISC,)

Ahkamay marwshihkaywin pi pimoustatawin kushkimihk Kenadaw mamowitouwin keema tout awn sawmbl li nagrimawn chi-awnkourazhee aykwy-ikouhk apataniwun awnforsimawn, machi-itayimwaywin pi wiyashwawtamouwin ouschi outa Li Promnyee Nawsyoon, Aen Niskimoo pi Lee lway’d En Michif (tapishkoot, shawpou maykwawt tretee, wiya-ikouhk tipaymishouwin li nagrimawn pi kootak nihtawayihtamoowina).

Neekawnayihtamoowin Mawscheeymakanouwin 24 (JUS)

Shaytoushkawayw Li Promnyee Nawsyoon, Aen Niskimoo pi En Michif lee gouvarnimaw pi neepawistamakaywin li koonpayeen chi-oushtahk peesakwaniyiwa chi-pimawtishimakan pi pimoustataniwan see lee lway’d, si la lway paminikaywina pi si la lway li koonpayeen, avek shawpou awpootapastamiwawn pi kishkayistamouwin-maenshkootoonamatouwin pi katakoowawn oohin avek awashimaen Aen zhawn’d Kenadew la zhuschis paminikaywin, ishi nahiyokouhk.

Neekawnayihtamoowin Mawscheeymakanouwin 25 (JUS)

Peekishkwawtam pi mamawinitow avek Li Promnyee Nawsyoon, Aen Niskimoo pi En Michif ishi si posibb la lway kaw-oushtahk nawashoonikaywina chi-oushtawniwun, wawpastamouwin keema mayshkoohtashtawin la lway chi-natakouhkawtayk ishpihtayakaskow peewayimiwaywin pakwatem pi pat rezonab neepawistamakaywin ouschi Indigene li moond didawn ooma Aen zhawn’d Kenadew la zhuschis paminikaywin.

Neekawnayihtamoowin Mawscheeymakanouwin 26 (JUS)

Peekishkwawtam pi mamawinitow avek Li Promnyee Nawsyoon, Aen Niskimoo pi En Michif ishi si posibb la lway kaw-oushtahk nawashoonikaywina chi-nishtawinam pi pakitinamiwawn Li Promnyee Nawsyoon, Aen Niskimoo pi En Michif li moond chi-awpachistaw tipayhchikaywin aykwawnima ouschi nakwatayihtamouwin ouschi la zhuschis, avek awnforsimawn, machi-itayimwaywin pi wiyashwawtamouwin ouschi Li Promyee Nawsyoon, Aen Niskimoo pi Lee lway’d En Michif.