Li Promnyee Nawsyoon neekawnayihtamoowina peeshkihtashtaywin

Ooma Li Promnyee Nawsyoon peeshkihtashtaywin ouschi ooma Indigene La zhuschis Paminikaywin natounem chi-nishtawinikawtayw pi maenkiw ispray Li Promnyee Nawsyoon sa neekawnayihtamoowina. Nishtawinakwan aykwawnima Li Promnyee Nawsyoon pi Kenadaw chi-natawayistakwan mamawinitouwin avek li provayns pi li tayritori lee gouvarnimaw mitouni chi-kashkihouchik anavawn kaw-pimitishahikawtayk neekawnayihtamoowina ouschi li piyee kishtayichikawtaywin chi-awpatayistakwahk kinwaysh-ikouhk pi boon balawnsee sartaen itouchikaymakaniyawa. Ooma Li Promnyee Nawsyoon peeshkihtashtaywin si aykwawnima mitouni takwashchikaywin ishi en seksyoon di Indigene La zhuschis Paminikaywin aykwawnima chi-pimoustatawniwan mamawi avek awn pawr neekawnayihtamoowina pi itahkamikishouwina pi chikee meena kishkayistamouhiwayw kiko awn pawr neekawnayihtamoowin itahkamikishouwina kaw-pimoustatawniwan – poor nawat kayschinahouwin, namou payyek pawschipayiw kootak ayis ihkatayistakwan aniskoschikaywina. Ooma Li Promnyee Nawsyoon peeshkihtashtaywin ouschi Indigene La zhuschis Paminikaywin si aykwawnima ihkatayistakwan ahkamay sipikayihtakwahk, pakitinawm poor tipayimouwina ahtishihtawin pi shayki mowatakwashtaywa ashpaymouwin ouschi nishtawinikawtayw natawaystamouwina.

Ooma neekawn ouschi Li Promnyee Nawsyoon peeshkihtashtaywin itashtayw weechiwakanouhtoowin wayashtaywin, avek deu kischee awashimaen neekawnihk peekishkwachikawtaywina ouschi kiko ooma peeshkihtashtaywin si shoohkastaywa:

Keestwawm ooma en seksyoon ouschi Li Promnyee Nawsyoon peeshkihtashtaywin maenkiwawn awpachischikan ouschi kiko kipishkamakaywina aykwawnihi si nissisayr. Oohin neekawnayihtamoowina ihkatayistakwanwa chi-maenkiw mawchistowin en pwaent poor Li Promnyee Nawsyoon ishi neekawnayihtamoowin li piyee kishtayichikawtaywin kiko nawat kaw-natawayistakwan chi-pamihayw see moond. Ooma Li Promnyee Nawsyoon peeshkihtashtaywin maenkiwawn wayashtaywin poor deu aniskoschikaywina li shmaen:

En pawr ouschi atoushkaywin ishi nahi ashchikawtaywin Aen zhawn’d Kenadew li kriminel la zhuschis paminikaywin, ooma Li Promnyee Nawsyoon peeshkihtashtaywin wawpaschikaywins kat jeufarawn li direksyoon poor nahi ashchikawtaywin:

Piyish, ooma Li Promnyee Nawsyoon peeshkihtashtaywin si aykwanwima akishoowin ouschi Indigene Tretee En Partineuz pi Wiya-ikouhk tipaymishouwin Indigene lee gouvarnimaw pi nishtawinamouwin aykwawnima Tretee En Partineuz pi Wiya-ikouhk tipaymishouwin Indigene Lee Gouvarnimaw ayawak si rawr weechiwakanouhtoowin avek Kenadaw pi lee provayns pi lee territwayr akouz ouschi sa Tretee pi li nagrimawn, kiko pikou kishkinoustahiwayw Tretee En Partineuz sa nakishkamoowin. Ooma si rawr weechiwakanouhtoowin chi-weechihiwayw kishkinoustahiwayw ooma pimoustatawin ouschi Indigene La zhuschis Paminikaywin pi Li Promnyee Nawsyoon peeshkihtashtaywin.

Mamawinitouwin weechiwakanouhtoowin pi pishkayimiwawn

Ooma Mamawinitouwin weechiwakanouhtoowin pi pishkayimiwawn neekawnayihtamoowina mashinahikawtayw awn baw maenkiw kishkinouhtahiwaywin ouschi weechiwakanouhtoowina pi tipayimishounaniwawn takoowan ishi nakatayistamouwin pimoustatawin. Kishchayihtamwak ishi neekawnayistamouwin oohin muwnayshkawkaywina ouschi Indigene La zhuschis Paminikaywin.

Kenawawpaschikaywin pi mamyeunawniwun paminikaywin ouschi ooma Indigene La zhuschis Paminikaywin pi Li Promnyee Nawsyoon peeshkihtashtaywin si aykwawnima kischee chi-kishkayistakwahk kaw-atoushkaymakaniwan ouschi neekawnayihtamoowin itahkamikishouwina. Nahitotamouwin kishkayistamihiwaywin chikee weechihiwaywawn kaw-maenkiw sawn foubaen miseur ishi nishitoustamouwin panachihtowin ouschi koonploon lee shawnzhmawn, awta nahitotamouwin kishkayistamihiwaywin chikee weechihiwayw kaw-maenkiw nishtoustamouwin ishi mishtayistakwan tawnehki awtist koonploon lee shawnzhmawn chikee ayiwawk kaw-atoushkaymakuhk ispischee kootaka, miyashkamouwawn pishkawpahtamouwin poor piko profitaeb wawpaschikaywin.

Akwa ayiwawk, Li Promnyee Nawsyoon aykwawniki tout sort la level ouschi kwayachihouwin pi atoushkaywin chi-awnfors ooma Indigene La zhuschis Paminikaywin pi Li Promnyee Nawsyoon Peeshkihtashtaywin chi-weestamakayhk ouschi oohin ay-itayistamouwina. Tapishkoot, pikou tawnima kenawawpaschikaywin awpachischikana chi-natawayistakwan chinishtawinikawtayk poor ayimihouwin ishi kochiwawpastamouwin.

  1. En Partineuz avek Li Promnyee Nawsyoon, lee provayns pi lee territwayr, chi-awpachistahk kishkayistawkoushiwin-ouschiyawin pi wiya-ikou ashpayimouwin la zhuschis nakishkamoowin ishi li piyee pimoustatawin ouschi ooma Indigene La zhuschis Paminikaywin pi Li Promnyee Nawsyoon neekawnayihtamoowina.
  2. Ahkamay avek Neekawnayihtamoowin Mawscheeymakanouwin 2 ouschi ooma Indigene La zhuschis Paminikaywin, en partineuz avek Li Promnyee Nawsyoon, pi mamawinitouwin avek lee provayns pi lee territwayr itastayw ouschitaw, shawpou daw li rizhyoon-ouschiyawin Li federal-Li Promnyee Nawsyoon deu ishchikawtayyiw keema trwaw ishchikawtayyiw nihtawayihtamoowina ahkikihtaw li plawn ouschi mawscheeymakanouwin chi-awnfors ooma Indigene La zhuschis Paminikaywin pi Li Promnyee Nawsyoon peeshkihtashtaywin.
  3. Natounamouwin chi-mawhmaykihk pamihiwaywina pi paminamoowin shaytoushkawaywin poor aykwawnima li piyee trwaw ishchikawtayyiw nihtawayihtamoowina keema deu ishchikawtayyiw nihtawayihtamoowina.
  4. Weecheewakanouhtowin avek Li Promnyee Nawsyoon, lee provayns pi lee territwayr ahkikihtaw itwawhamawkaywina kaw-mizeuree ayshkamouwin poor pimoustatawin ouschi ooma Indigene La zhuschis Paminikaywin pi Li Promnyee Nawsyoon neekawnayihtamoowina, tapishkoot mamyeunawniwun paminikaywin wayashtaywin, chi-weestamakayhk ouschi peekoupayiwin kishkayistamihiwaywin avek aen sort-ouschiyawin pi kishkayistawkoushiwin-ouschiyawin, chi-maenkiw wawweepat keema kahkeestwawm kenawawpaschikawtaywin.
  5. En Partineuz avek Li Promnyee Nawsyoon, lee provayns pi lee territwayr ahkikihtawin ahkamay nanatouhkooskawniskweewin kishkinouhtahiwaywin poor la zhuschis paminikaywin onahikawshoowak kaw-zaenproovmawn ashwayistamoowina ouschi pi sensib ishi ooma nistwayr, kee-ishipimawchihounawniwun pi ishpayiwina ouschi Li Promnyee Nawsyoon li moond, avek ahkamay ayimihouwina ouschi shakouchihiwaywin pi si rawr ishpayiwina ouschi Li Promnyee Nawsyoon paykounouhk avek aen sort-nishtawaymikawaywin, tapishkoot 2SLGBTQQIA+ li moond.

Kinwaysh-ikouhk pi keetatayistawkwun aen tawd d’arzhawn

Ooma Indigene La zhuschis Paminikaywin natounem chi-oushtahk ihtakwaniwan paminikaywina pi shaytoushkawaywina poor ishi chi-natakouhkawtayk pat rezonab neepawistamakaywin oushci Li Promnyee Nawsyoon didawn ooma la zhuschis paminikaywin pi ishi pamihiwaywin ooma pimawtishimakanoowin ouschi Lee lway’d Li Promnyee Nawsyoon pi si la lway paminikaywina. Li Promnyee Nawsyoon neeshohkamakayw pikou iyikohk aykwawnima li tawn ki vyayn aen tawd d’arzhawn ishi shaytoushkawaywin ooma Indigene La zhuschis Paminikaywin pi Li Promnyee Nawsyoon Peeshkihtashtaywin pikou chi-kwayashkastow maykwawt aen tawd d’arzhawn pi rispay natawayistakwanowan poor kinwaysh-ikouhk, keetatayistawkwun pi aykwy-ikouhk apataniwun aen tawd d’arzhawn poor Li Promnyee Nawsyoon la zhuschis paminikaywina, pi aykwawnima ooma si nissisayr ishi mitouni shaytoushkawaywin ooma atoushkaywin kaw-itouchikawtayk.

  1. Li Promnyee Nawsyoon natounem aen tawd d’arzhawn wayashtaywina nisitohchikawtayw ishi ooma Li Promnyee Nawsyoon Peeshkihtashtaywin aykwawnima avek kaw-takwashtawhk shipamihiwaywin, kipihtinikaywin, pahkawn la zhuschis, kenawayihtawkooshiwin lispass daw alawntour, alawntour miywaywin, kwayshkaywin, pi apray-wiyaswawchikaywin keniwaymowin. Wawpaschikaywin neu aen tawd d’arzhawn kochiwahpatahiwaywina aykwawnima maenkiw wawhwakipayin, keetatayistawkwun, pi alawntour-paminamouwin aen tawd d’arzhawn avek ashaynam paminamoowin ayimihouwina didawn ooma ishi awpachistawin pi weestamakaywin pimipayihtawina.
  2. Ishi peekishkwawtamoowin pi mamawinitowin avek Li Promnyee Nawsyoon, mawchistawn daw li rizhyoon pishkawpahtamouwin Li Promnyee Nawsyoon la zhuschis natawaystamouwina pi ay-itakistayk wawpaschikaywin pi wawshakawshkayhk awpoostawpastamouwin ouschi ihtakwaniwan shipamihiwaywin pi paminikaywina ishi nishtawinikawtayw tawawina pi natawaystamouwina poor li tawn ki vyayn pamihiwaywin pi pimipayihtawin aen tawd d’arzhawn.
  3. Ishi peekishkwawtamoowin pi mamawinitowin avek Li Promnyee Nawsyoon, natounamouwin mishawpayihtaw ihtakwaniwan la zhuschis paminikaywina pi nawashwaywina, pi wawpaschikaywin chi-oushtahk neu paminikaywina pi nawashwaywina, aykwawnihi oushtawniwun pi pimoustatawniwan ouschi Li Promnyee Nawsyoon pi Li Promnyee Nawsyoon mamowitouwina poor Li Promnyee Nawsyoon li moond.
  4. Wawpaschikaywin ishi awpachistawin ouschi La zhuschis Kenadaw aen tawd d’arzhawn kochiwahpatahiwaywina chi-maenkiw poor la koonpayeen natawaystamouwina, avek wayashtaywin.

Aen shmaen payyek: pimawtishimakanoowin ouschi Lee lway’d Li Promnyee Nawsyoon pi si la lway paminikaywina

Aen shmaen payyek nishtawayistakwan kaw-ashayistayhk ouschi Li Promnyee Nawsyoon lee parawntee kayawsh ouschi, mawashoukoupitamouwin kishkayistamouwin ouschi Li Promnyee Nawsyoon Li vyeu pi Kishkayistamouwin Kenawayischikaywak pi akouta nahiyokouhk, Li Promnyee Nawsyoon si la lway onahikawshoowak, pi awn pawr kishkayistamihiwaywin parmi Li Promnyee Nawsyoon, chi-kishkinoustahiwayw ishi neekawnihk. Ooma aen shmaen natounem nishtowinawshouwin ouschi Li Promnyee Nawsyoon sa la lway paminikaywina pi tipayhchikaywin aykwawnima ishi ooma nakwatayihtamouwin ouschi la zhuschis, avek awnforsimawn, machi-itayimwaywin pi wiyashwawtamouwin oushci Lee lway’d Li Promnyee Nawsyoon.

  1. Peekishkwawtam pi mamawinitow avek Li Promnyee Nawsyoon ishi si posibb lee shawnzhmawn ishi li federal koonploon pi li tax tou lee zawn wayashtaywina ishi shaytoushkawaywin marwshihkaywin pi pimoustatawin oushci mamowitouwin keema tout awn sawmbl li nagrimawn chi-awnkourazhee aykwy-ikouhk apataniwun pi kaw-atoushkaymakuhk awnforsimawn, machi-itayimiwaywin, pi wiyaswawchikaywin ouschi Lee lway’d Li Promnyee Nawsyoon.
  2. En Partineuz avek Li Promnyee Nawsyoon ahkikihtaw yahkouhtaywina ishishaytoushkawayw Li Promnyee Nawsyoon-neekawneeshtamawkaywin awpootapastamiwawn, kishkayistamouwin maenshkootoonamatouwin, pi peesakwaniyiwa-oushistawin chi-pimawtishimakan Lee lway’d Li Promnyee Nawsyoon pi si la lway ishihchikaywina.
  3. Chi-oushtawniwun lee zaenstriksyoon poor nahiyokouhk li kriminel la zhuschis paminikaywin li ripoond ishi Li Promnyee Nawsyoon li tayr pi li tayraen natamoushtawkaywin kiko rispay Li Promnyee Nawsyoon nakawyashkumowin lee lway’d pi pishishkayistamouwina.
  4. Peekishkwawtam pi mamawinitow avek Li Promnyee Nawsyoon oshi si posibb la lway kaw-oushtahk nawashoonikaywina chi-nishtawinikawtayk pi pakitinamiwawn awpachistawin ouschi Li Promnyee Nawsyoon sa tipayhchikaywin aykwawnima ishi nakwatayihtamouwin ouschi la zhuschis, kiko chikee avek nawashoonikaywina poor si la lway wayashtaywin chi-awnfors, machi-itayimwaywin pi wiyashwawtamouwin lee lway’d Li Promnyee Nawsyoon, shawpou Aen zhawn’d Kenadew la zhuschis paminikaywin ishi itayimouwina ouschi Li Promnyee Nawsyoon.

Aen shmaen deu: nahi ashchikawtayw ooma Aen zhawn’d Kenadew li kriminel la zhuschis paminikaywin

la zhuschis paminikaywin

Ooma pat rezonab neepawistamakaywin ouschi Li Promnyee Nawsyoon didawn ooma li kriminel la zhuschis paminikaywin si aykwawnima mitouni enn siirieu pi awyiman li troub shoohkastaywa didawn ishpihtayakaskow pakwachikaywin pi kishkishoumowin ouschi shakouchihiwaywin. Oushawmi, kaykinikawtayw 360-degree wawpastamouwin ouschi ihtakwaniwan ishihchikaywina chi-shaytoushkam kaw-atoushkaymakuhk nahi ashchikawtaywin ouschi Aen zhawn’d Kenadew li kriminel la zhuschis paminikaywin.

Akwawnima ouhchi, aen shmaen deu itawpastam nahi ashchikawtaywin Aen zhawn’d Kenadew li kriminel la zhuschis paminikaywin maykwawt nanawkatawayistam Li Promnyee Nawsyoon see veu, tapishkoot pimouhtaywin daw roun didawn kahkiyow kat li direksyoon. Ooma aen shmaen aymashnipayhwawt kawschitinamouwin ishi la zhuschis peekishkwachikawtaywina didawn kat li direksyoon:

La direksyoon payyek: la zhuschis pi miywaywin

Li Promnyee Nawsyoon nishtawinam aykwawnima la zhuschis pi miywaywin mitouni wawkoostouwawn; tapishkoot, kakayhtawayihtamouwina oushci la zhuschis pikou ayakashkawawn wawpaschikawtayw kaykinamouwin kahkiyow shoohkayihtumowina ouschi li sawntee pi paykounouhk miywayawin, alawntour, pi wawshakawshkayhk. Kipishkamakaywina chi-natakouhkawtayk pat rezonab neepawistamakaywin ouschi Li Promnyee Nawsyoon li moond pikou chi-mawchistahk aen plaes di kipihtinikaywin, kiko shasheepishiwin-itapishinouwin pi kakeekayhk shaytoushkawaywina, lee yet zhenn pimipayihtawin, pi nanatouhkooskawniskweewin katakoowawn aykwawnihi neekawnayihtamoowina. Ooma tawpwayistamouwin oushci atoushkaywin si aykwanwima chi-natounamouwin kayschinahouwawn kaw-takwashtawhk shaytoushkawaywina ihtakwan poor Li Promnyee Nawsyoon paykounouhk didawn la zhuschis paminikaywin itahtow ishi mamaawinitowin, avek: awta avawn Li koor, katakowwin didawn kwayshkaywin pimipayihtawin, maykwawt kaw-kipahikashow daw prayzoun, kipahikashow didawn ooma alawntour keema daw prayzoun, pi apray-pakitinikashow ouschi sa kipahikashowin.

Pishishkawpastamouwin la zhuschis ishi miywaywin itwaymakan aykwawnima, ishpee Li Promnyee Nawsyoon neekawnihk la zhuschis paminikaywin, aykwanwima si nissisayr nawat atamihk chi-kenawawpastahk, chi-nishtawinikawtayw paykounouhk natawaystamouwina pi itouchikaywina kiko kaw-paysouwihchik neekawnihk li kor (Gladue itouchikaywina) pi akwawpichiksouwak avek nahiyokouhk shaytoushkawaywina, aen manyayrr aykwawnima akishoowin ouschi Li Promnyee Nawsyoon paykounouhk avek aen sort-nishtawaymikawaywin tapishkoot 2SLGBTQQIA+ li moond. Li Promnyee Nawsyoon paykounouhk avawn li kor chikee mawkouhikow avek tout sort muwnayshkawkaywina avek li sawntee pi wawhky ashpinaywin, Larkahol ouschi Mashkishouwin (FASD), kitimakishiwin, kwaytamawin ita kaweekihk, pi shasheepishiwin-itapishinouwin.

Kaw-takwashtawhk shaytoushkawaywina pikou meena chi-ihtakwan ishi Li Promnyee Nawsyoon paykounouhk aykwawniki panachihtawawn ouschi la krim, avek kitimahakanak ouschi machee-itahkamikishouwin pi ishkounikanak, pi li famee oushci kaw-wanihichik pi nipahawak Li Promnyee Nawsyoon li moond. Mishiway itay alawntour kenawayihtawkooshiwin si aykwawnima meena kischee en seksyoon ouschi la zhuschis pi miywaywin.

  1. En Partineuz avek Li Promnyee Nawsyoon, pi lee provayns pi lee territwayr, chi-awpootapastamiwawn, natounem chi-anavawn, keema mishawpayihtaw awpachistawin ouschi kishkayistawkoushiwin-ouschiyawin pi kaw-ishi pimatishahk-otosihchikawtayw pimipayihtawin chi-shaytoushkawayw Li Promnyee Nawsyoon la zhuschis pimipayihtawina aykwawnima awnkourazhee awshtayayawin pi kakeekayhk.
  2. En Partineuz avek Li Promnyee Nawsyoon, pi lee provayns pi lee territwayr, chi-natounamouwin mishawpayihtaw kawschitinamouwin ishi kaw-ishi pimatishahk nahiyihtouwawn, Li Promnyee Nawsyoon alawntour-neekawneeshtamawkaywin, shasheepishiwin-itapishinouwin kitimahakanak shipamihiwaywin pi shaytoushkawaywina, avek shaytoushkawaywin poor li famee ouschi kaw-wanihichik pi nipahawak Li Promnyee Nawsyoon lee fawm, lee fee, aen sort-nishtawaymikawaywin tout sort dafayr li moond, lee zom pi lee garsoon.
  3. En Partineuz avek Li Promnyee Nawsyoon, pi lee provayns pi lee territwayr, natounamouwin anavawn paminikaywin ishi mishawpayihtaw atoushkayahikaywin ouschi Li Promnyee Nawsyoon Li vyeu pi Kishkayistamouwin Kenawayischikaywak chi-atoushkayw didawn la zhuschis li koonpayeen chi-maenkiw Li Promnyee Nawsyoon avek kaw-ishi pimatishahk nahiyokouhk shaytoushkawaywin ishpee kaw-mamowitouw avek la zhuschis paminikaywin.
  4. Natounamouwin shaytoushkawaywin, didawn weecheewakanouhtowin avek lee provayns pi lee territwayr, Indigene Alawntour La zhuschis Li plaes chi-maenkiw kaw-ishi pimatishahk sawn sib kaw-takwashtawhk shaytoushkawaywina, tapishkoot kishkinawachichikawtaywina chi-natakouhkawtayk parmi li moond ouchihaywin di la zhuschis, avek sourtoo pishishkayistamouwin ishi wawhky ashpinaywin, li sawntee, FASD, LI Zawnfawn pi Li Faamii Shipamihiwaywin takoowawn, awpachistawmohiwaywin, pi omachaysihchikayw-takoowawn.
  5. En Partineuz avek Li Promnyee Nawsyoon, pi lee provayns pi lee territwayr, chi-wawpaschikayhk nawashoonikaywina ishi mishawpayihtaw tipayischikaywin pi kawschitinamouwin ishi alawntour-paminamouwawn pahkawn yahkouhtaywina avawn pi mwaystash wiyaswawchikaywin poor Li Promnyee Nawsyoon li moond didawn ooma Aen zhawn’d Kenadew la zhuschis paminikaywin ishi shaytoushkawaywin kaw-ishi pimatishahk nahiyokouhk la zhuschis li ripoond, kakeekayhk, pi miywaywin.
  6. En Partineuz avek Li Promnyee Nawsyoon, pi lee provayns pi lee territwayr, chi-wawpaschikayhk nawashoonikaywina poor 2SLGBTQQIA+ li moond chikee kawschitinahkik ashtamayikouhk-muwnayshkawkaywin shaytoushkawaywin pi nanatouhkooskawniskweewin shaytoushkawaywina ishpee kaw-mamowitouw avek la zhuschis paminikaywin.

La direksyoon deu: nawtamouwaywin nahi ashchikawtaywin

Li Promnyee Nawsyoon kee-weestamwak aykwawnima wiyawaw oushawmi-ayowak li polis daw en grous vil li seksyoon, kitimawki keema outistikow aykwy-ikouhk apataniwun shipamihiwaywin ouschi li polis didawn awtist alawntour, soutoo ishi li risarv pi daw la kawnpawyn alawntour, pi aykwawnima Li Promnyee Nawsyoon li polis shipamihiwaywin namou mishtahi tipahikaniwan.

Oushistawin li trustiihk pi chi-oushtahk weechayhtoowinawnter li polis shipamihiwaywin pi Li Promnyee Nawsyoon alawntour aaykwawnima si nissisayr ishi kaw-zaenproovmawn itoutaymakunouwina pi awnkourazhee ayiwawk rispay pi aen paray la zhuschis paminikaywin. Ooma sourtoo aenportaan didawn ooma wayashtaywin ouschi MMIWG2S+ pi tawnsheeshi li polis shipamihiwaywin ripoond ishi ishkounikanak pi li famee, pi poor tawnsheeshi kaw-natounikaychik kaw-wanihichik pi nipahawak Li Promnyee Nawsyoon lee fawm, lee fee, pi 2SLGBTQQIA+ li moond. Sourtoo aykwawnima, oushistawin li trustiihk pi chi-oushtahk weechayhtoowinavek 2SLGBTQQIA+ alawntour aykwawnima si nissisayr ishi kaw-zaenproovmawn itoutaymakunouwina pi awnkourazhee ayiwawk rispay pi aen paray la zhuschis paminikaywin.

  1. En Partineuz avek Li Promnyee Nawsyoon, pi lee provayns pi lee territwayr, chi-natounamouwawn shaytoushkawaywin kawschitinamouwin ishi kaw-ishi pimatishahk nahiyihtouwawn nawtamouwaywin, sourtoo ishi oushistawin rispay atoushkaywin weechiwakanouhtoowina awnter li polis shipamihiwaywin pi Li Promnyee Nawsyoon shawpou ahkikihtawin nanatouhkooskawniskweewin kishkayistamouwin pi nishitoustamouwin nistwayr ouschi Li Promnyee Nawsyoon kaw-pamihawchik.
  2. En Partineuz avek Li Promnyee Nawsyoon, pi lee provayns pi lee territwayr, chi-natounamouwawn chi-anavawn kwayashkwawchikaywina pimipayistawina, li koonploon pi ishihchikaywina poor li polis shipamihiwaywin, avek muwnayshkawkaywin ouschi kayschinahouwin aykwawnihi itahkamikanowina kaw-weestamakayhk ouschi Li Promnyee Nawsyoon li moond, sourtoo didawn itahkamikanowina MMIWG2S+, mitouni shawpou wawpaschikawtaywa.
  3. En Partineuz avek Li Promnyee Nawsyoon, pi lee provayns pi lee territwayr, ishi wawpaschikaywin nawashoonikaywina chi-oushtawniwun zhi taen zhawnd Li Promnyee Nawsyoon kakayeshkimiwayw li bonch poor li polis shipamihiwaywin keema li polis peeshkihtashtaywin chi-kakayeshkimiwayw li koonpayeen kaw-paminam Li Promnyee Nawsyoon li moond.

La direksyoon trwaw: kwayshkipayiwina pi pakitinakawshouwin

Kwayshkipayiwina pi pakitinakawshouwin aykwawnihi itouchikaymakaniwan li kriminel la zhuschis pimipayihtawina kiko Li Promnyee Nawsyoon paykounouhk ishpee kaw- kipahikashouwak, akouz ouschi mamawayawin di pimawtishiwin-mawachischikaywin itouchikaywina, ishpihtayakaskow wanitotamakaywin, peewayimiwaywin, pi kwaytamawin di shaytawashkoushiwin pamihiwaywina, aykwanihi oushawmi nawtamakaywin pi natawayistakwan mitouni iyikouhk shaytoushkawaywina.

  1. En Partineuz avek Li Promnyee Nawsyoon, pi lee provayns pi lee territwayr, ahkikihtaw yahkouhtaywina ishi shaytoushkawaywin kaw-ishi pimatishahk chi-weestamakayhk kaw-takwashtawhk shaytoushkawaywina poor Li Promnyee Nawsyoon li moond itahtow ishi mamaawinitowin avek la zhuschis paminikaywin. Ooma chikee avek shaytoushkawaywina ouschi neekawnihk li polis kawschitinikaywin ishi itay kipahikashouwin pi tipahikaywin pimipayihtawina, wiyaswawchikaywin, kitinikaywin, pakitinakawshouwin pimipayihtawina pi apray-pakitinikashouwin, avek meena shaytoushkawaywina ishi kitimahakanak pi mayinikaywak sa famee.
  2. Wawpaschikaywin ahkikihtawin ouschi kinwaysh-ikouhk pi aen paray aen tawd d’arzhawn kochiwahpatahiwaywin poor ihtakwaniwan pi li tawn ki vyayn alawntour-neekawneeshtamawkaywin en seksyoon 81 kakeekayhk li maenzoon.
  3. En Partineuz avek Li Promnyee Nawsyoon, pi lee provayns pi lee territwayr, ishi wawpaschikaywin pimoustatawin ouschi alawntour-paminamouwin la prayzoun shipamihiwaywin, avek aykwawnihi pimoustatawniwan ouschi Li Promnyee Nawsyoon lee gouvarnimaw keema neepawistamakaywin mamowitouwina.
  4. En Partineuz avek Li Promnyee Nawsyoon, pi lee provayns pi lee territwayr, chi-nishtawinikawtayw kaw-ishi pimatishahk nahayhtawinawkwun pi nahiyokouhk nakishkamoowina ishi la prayzoun mamowitouwin li koonploon, avek keemoochi awn nagrimawn paminikaywin, ishi ouhpimaen ashtawin muwnayshkawkaywina pi natakouhkawtayk ishpihtayakaskow peewayimiwaywin. Ishpee neekawn yahkouhtaywin, ooma chikee avek wawpastamouwin pi ripoor ouschi ihtakwaniwan paminikaywina.
  5. En Partineuz avek Li Promnyee Nawsyoon, pi lee provayns pi lee territwayr, ahkikihtaw nakishkamoowin ishi pakitinikashouwin didawn la zhuschis paminikaywin. Ooma chikee avek ahkikihtawin Li Promnyee Nawsyoon pakitinikashouwin aen smaertiwihk wayashtaywin.
  6. En Partineuz avek Li Promnyee Nawsyoon, pi lee provayns pi lee territwayr, chi-shaytoushkawayw Li Promnyee Nawsyoon paykounouhk aykwawniki kaw-nouhtay tapaschistikayw omachaysihchikayw pimawtishiwin.
  7. En Partineuz avek Li Promnyee Nawsyoon, pi lee provayns pi lee territwayr, chi-paminam wawpastamouwin pi ahkikihtaw mishiway itay kwayashkwawchikaywina ishi ooma kwayachistowin di Gladue li ripoor.

La direksyoon kat: la lway kaw-oushtahk nahi ashchikawtaywin

La lway kaw-oushtahk nahi ashchikawtaywin si aykwawnima kootak kischee en seksyoon ishi ooma aen shmaen ishi nahi ashchikawtayw kaw-ihtakwaniwan li kriminel la zhuschis paminikaywin. Li Promnyee Nawsyoon oneekawneewak pi mamowitouwina kee- weestamwak sa ahkamaymouwin chi-atoushkayw avek kahkiyow li level ouschi li gouvarnimaw ishi la lway kaw-oushtahk nawashoonikaywina, avek chi-oushtawniwun neu la lway, natakouhkawtayk ihtakwaniwan la lway kaw-oushtahk li troub keema tawawina, pi mayshkoohtashtawina ishi ihtakwaniwan la lway.

Shawpou oohin panachihtowina ouschi shakouchihiwaywin Li Promnyee Nawsyoon kee-ouhtishkaweeskam si rawr mawyitoutawaywina avek pakwachikaywin pi peewayimiwaywin, oushawmi panachihtowina, nanatouhkooskawniskweewin pi la lawngaezh panachihtowin, pi machi-ashoutamawkaywina ishi paykounouhk pi mamouwiyaw lee drway. Aykwawnima ouschi shakouchihiwaywin ayatashkishoutaywa ouschi lee lway’d Aen zhawn’d Kenadew, mistahi pat trustiihk aykwawnima maykwawt la lway namou chi-rispay lee drway di Li Promnyee Nawsyoon, avek li moond see drway. La lway kaw-oushtahk nahi ashchikawtaywin chikee kayschinahouwawn aykwawnima lee lway’d ahkamay avek ooma Tooroon Not Grawn Piyee Nawsyoon Weestamakaywin didawn Lee Drway di Indigene Li moond.

  1. Peekishkwawtam pi mamawinitow avek Li Promnyee Nawsyoon ishi la lway kaw-oushtahk nawashoonikaywina chi-oushtawniwun, wawpastamouwin keema mayshkoohtashtawin la lway chi-natakouhkawtayk ishpihtayakaskow peewayimiwaywin pakwatem, pi pat rezonab neepawistamakaywin ouschi Li Promnyee Nawsyoon didawn ooma Aen zhawn’d Kenadew la zhuschis paminikaywin.
  2. Peekishkwawtam pi mamawinitow avek Li Promnyee Nawsyoon ishi la lway kaw-oushtahk nawashoonikaywina chi-nishtawinam pi pakitinamiwawn Li Promnyee Nawsyoon chi-awpachistaw tipayhchikaywin aykwawnima nakwatayihtamouwin ouschi la zhuschis, avek awnforsimawn, machi-itayimwaywin pi wiyashwawtamouwin ouschi lee lway’d Li Promyee Nawsyoon.

Pooyounawniwun

Ooma Indigene La zhuschis Paminikaywin pi Li Promnyee Nawsyoon peeshkihtashtaywin natounem chi-muwnayshkam pat rezonab neepawistamakaywin pi ishpihtayakaskow peewayimiwaywin kee-ouhtishkaweeskam Li Promnyee Nawsyoon li moond didawn Aen zhawn’d Kenadew li kriminel la zhuschis paminikaywin shawpou nahi ashchikawtayw ihtakwaniwan paminikaywin pi pimawchihaymakiwawn Lee lway’d Li Promnyee Nawsyoon pi nakawyashkumowin la zhuschis paminikaywina didawn maykwawt wayashtaywin. Ooma ahkikihtawin ouschi Li Promnyee Nawsyoon La zhuschis Paminikaywin wawpahchikawtayw kishkinouhtahiwaywin kaw-outistikouhk shawpou mishiway itay takounawin avek Li Promnyee Nawsyoon paykounouhk kushkimihk Kenadaw ouschi tawnsheeshi kwayesh chi-natakouhkawtayk ooma si rawr, kushkumoustaytwin muwnayshkawkaywina ouschi Li Promnyee Nawsyoon lee fawm, lee fee, 2SLGBTQQIA+ li moond, lee zom, pi lee garsoon didawn ooma li kriminel la zhuschis paminikaywin. Meena nishtawinum kishkayistakwuniwawn ouschi wayschi-kawschitinamouwin pi ihtakiwawn ouschi Li Promnyee Nawsyoon la zhuschis shipamihiwaywin ishi kahkiyow Li Promnyee Nawsyoon paykounouhk, kiyawm itay kaw-weekichik didawn Kenadaw.

Ooma neekawn aen shmaen nishtawinikawtayw ouschi Li Promnyee Nawsyoon peeshkihtashtaywin: pimawtishimakanoowin ouschi Lee lway’d Li Promnyee Nawsyoon pi si la lway paminikaywina, nishtawayistakwan mishkamouwin mamawinitouwin aen shmaen neekawnihk shawpou mamawinamouwin ishi kishkayistamouwin ouschi Li vyeu, Kishkayistamouwin Kenawayischikaywak pi, itay nahiyokouhk, Li Promnyee Nawsyoon si la lway onahikawshoowak, pi awn pawr kishkayistamihiwaywin parmi Li Promnyee Nawsyoon. Natounamouwin chi-kayschinahouwawn aykwawnima Li Promnyee Nawsyoon si la lway wayashtaywina ayawak tipayischaywin chi-awpatayistakwanayik kaw-awnfors, machi-itayimwaywin pi wiyashwawtamouwin Lee lway’d Li Promnyee Nawsyoon. Keestwawm ooma aen shmaen ouschi ooma Li Promnyee Nawsyoon peeshkihtashtaywin: nahi ashchikawtayw li kriminel la zhuschis paminikaywin, itayimoow chi-kaykinikawtayw wawpastamouwin pi nahi ashchikawtaywin ooma Aen zhawn’d Kenadew li kriminel la zhuschis paminikaywin aykwawnima kee-, pi ahkamaymouw chi-, shaypipayow mishtahi mawyitoutawaywina ishi Li Promnyee Nawsyoon li moond. Oohin kat li direksyoon shawpou kiko maykwawt li kriminel la zhuschis paminikaywin natawaystamouwina chikee igzaminee avek: la zhuschis pi miywaywin, nawtamouwaywin nahi ashchikawtaywin, kwayshkipayiwina pi pakitinakawshouwin nahi ashchikawtaywin, pi la lway kaw-oushtahk mayshkoohtashtawina.

Shouhkahtwawin pimoustatawin ouschi ooma Indigene La zhuschis Paminikaywin pi Li Promnyee Nawsyoon peeshkihtashtaywin kaw-natawayistakwan kishkayistawkoushiwin-ouschiyawin pi li piyee nakishkamoowin, mamawinitouwin weechiwakanouhtoowin pi pishkayimiwawn, avek meena kinwaysh-ikouhk pi keetatayistawkwun aen tawd d’arzhawn. Akouz ishi mishahkamik weeyoutishaymakunoowin ouschi Li Promnyee Nawsyoon didawn Kenadaw, kishkayistawkoushiwin-ouschiyawin nakishkamoowin aykwawnima nishtawinamouwin wiya-ikou ashpayimouwin aykwawnima si nissisayr poor tou lee deu rispay pi pimoustatawin ouschi si rawr Li Promnyee Nawsyoon ishihchikaywina, nistwayr, itouwahk la zhuschis, kaw-kee-ishipimawchihounawniwun, nishtawaymiwaywin, pi sa ishi kishkayistamouwin. Pishkayimiwawn pi neeshouhkamatouwin, akoushpee, pimoustaymakan ishi shaytoushkawaywin chi-anavawn pakooshayimoowina ouschi ooma Indigene La zhuschis Paminikaywin pi Li Promnyee Nawsyoon peeshkihtashtaywin.

Kaw-pimoustayhk deu tipishkoot li shmaen, si aenportaan chi-nishtawinikawtayk shasheepishiwin pi kishkayhtamouwin ouschi Li Promnyee Nawsyoon lee parawntee kayawsh ouschi aykwawniki ahkamay kishkinoustahiwayw ishi neekawnihk pi pimoustayw avek Li Promnyee Nawsyoon.